پی پی پی رہنما خورشید شاہ کی، سول ہستپال میں ایم آر آئی کے بعد دوبارہ این آئی سی وی ڈی منتقلی

جمعہ 15 نومبر 2019 19:33

سکھر۔ 15نومبر(اُردو پوائنٹ اخبارتازہ ترین - اے پی پی۔ 15 نومبر2019ء) آمدن سے زائد اثاثی جات کیس میں زیر سماعت پی پی پی رہنما خورشید شاہ جنہیں گزشتہ شب آئی سی وی ڈی سے سول ہسپتال سکھر لایا گیا تھا، ایم آر آئی کرانے کے بعد دوبارہ این آئی سی وی ڈی منتقل کردیا گیا۔

(جاری ہے)

ہسپتال ذرائع کا کہنا ہے کہ خورشید شاہ کے دل کی تین وین بند ہیں اور مستقل بیڈ ریسٹ سے ان کے کمر میں تکلیف بڑھ رہی ہے این آئی سی وی ڈی میں ‘‘ایم آر آئی ‘‘ کی مشین نہ ہونے کے باعث یہاں لا یا گیا، خورشید شاہ کی صحت بتدریج گر رہی ہے، ایم آر آئی سے معلوم کرنا چاہتے ہیں کہ جسم میں اور کیا مسئلہ ہے۔

خورشید احمد شاہ کو سخت سیکیورٹی میں سول اسپتال لایا گیا ہے اور سول ہسپتال میں میڈیا کو کوریج کرنے سے روک دیا گیا۔ واضح رہے کہ پیپلزپارٹی رہنما ان دنوں جوڈیشل ریمانڈ پر ہیں اور علاج کے لیے این آئی سی وی ڈی میں داخل ہیں۔