کراچی کے علاقے پرانی سبزی منڈی میں کار پر فائرنگ سے کرکٹر جاں بحق ہوگیا

مقتول طارق روڈ کا رہائشی تھا، خلیل الرحمان سپورٹس مین تھا ، پولیس کی طرف سے کرکٹ کھیلتا تھا،اہل خانہ

جمعہ 22 نومبر 2019 17:36

کراچی (اُردو پوائنٹ اخبارتازہ ترین - این این آئی۔ 22 نومبر2019ء) کراچی کے علاقے پرانی سبزی منڈی میں کار پر فائرنگ سے کرکٹر جاں بحق ہوگیا۔تفصیلات کے مطابق واقعہ گزشتہ شب پرانی سبزی منڈی میں پیش آیا جہاں خلیل الرحمان نامی نوجوان کو گولیاں مار کر موت کے گھاٹ اتار دیا گیا۔

(جاری ہے)

مقتول طارق روڈ کا رہائشی تھا جب کہ اہلخانہ کا کہنا ہے کہ خلیل الرحمان اسپورٹس مین تھا اور پولیس کی طرف سے کرکٹ کھیلتا تھا۔مقتول کے کزن آغا وزیر نے بتایا کہ ایسا لگتا ہے ڈکیتی مزاحمت پر فائرنگ کرکے خلیل الرحمان کو قتل کیا گیا، خلیل الرحمان کی ایک سال قبل شادی ہوئی تھی۔