گ* امن کی بحالی کے بعد پاکستان سیاحوں کی توجہ کا مرکز بن رہا ہے، ڈاکٹر امجد علی

ذ*پشاور(اُردو پوائنٹ اخبارتازہ ترین - آن لائن۔ 15 دسمبر2019ء) خیبرپختونخوا کے وزیر معدنیات ڈاکٹر امجد علی نے کہا کہ امن کی بحالی کے بعد پاکستان ایک مرتبہ پر سیاحوں کی توجہ کا مرکز بن رہا ہے اور ائندہ چند سالوں میں یہاں آنے والے سیاحوں کی شرح میں مزید اضافہ ہوگا، جس سے صوبے کے مختلف سیاحتی مقامات سمیت ضلع سوات میں کاروباری سرگرمیوں میں اضافہ ہوگا۔

سوات غالیگے میں بائی پاس روڈ کے افتتاح کے موقع پر ڈاکٹر امجد علی کا کہنا تھا کہ موجودہ دور حکومت میں عوام کی فلاح وبہبود پر خصوصی توجہ دی جارہی ہے، اور ان کے بنیادی مسائل کے حل کو یقینی بنایا جارہاہے۔ صوبائی وزیر نے کہا کہ موجودہ حکومت کی سب سے بڑی کامیابی امن کی بحالی ہے، امن کے ساتھ صوبے میں غیر یقینی صورتحال ختم ہوئی ہے، اور لوگوں نے سکھ کا سانس لیا ہے۔

(جاری ہے)

ان کا کہنا تھا کہ تحریک انصاف کی حکومت میں سرکاری اسپتالوں کی حالت بہتر ہوئی ہے، اور وہاں اب ہر وقت ڈاکٹروں کی موجودگی کو ممکن بنایا گیا ہے، جس سے غریب عوام کو ریلیف مل رہا ہے۔ انہوں نے کہاکہ صوبہ میں تعلیمی اداروں کی صورتحال بھی بہتر ہوئی ہے، اسکول سے لیکر یونیورسٹیز تک تعلیم کے معیار پر خصوصی توجہ دی گئی ہے، اسکولوں میں اساتذہ کی کمی کو پورا کیاگیا، جس سے والدین کا سرکاری اسکولوں پر اعتماد دوبارہ بحال ہوا ہے۔

وزیر معدنیات نے کہا کہ سیاحتی مقامات کی ترقی میں انفرسٹرکچر بنیادی کردار ادا کرتا ہے، یہی وجہ ہے کہ موجودہ حکومت صوبے میں اربوں روپے کی لاگت سے سیاحتی مقامات تک سڑکوں کی تعمیر پر کام کررہی ہے۔ ان کا کہنا تھا کہ گزشتہ حکومتوں میں نوکریاں تک برائے فروخت ہوتی تھی، تاہم تحریک انصاف کی حکومت میں میرٹ اور شفافیت سے تمام امور نمٹائے جار ہے ہیں، جس سے عوام کا صوبائی حکومت اور اداروں پر اعتماد بحال ہوا ہی