رواں مالی سال کی پہلی ششماہی کے دوران ٹیکسٹائل اور کپڑے کی برآمدات میں 4فیصد اضافہ

ہفتہ 18 جنوری 2020 12:41

اسلام آباد (اُردو پوائنٹ اخبارتازہ ترین - اے پی پی۔ 18 جنوری2020ء) رواں مالی سال کی پہلی ششماہی کے دوران ٹیکسٹائل اور کپڑے کی برآمدات میں 4فیصد اضافہ ہوا ہے ۔

(جاری ہے)

ادارہ برائے شماریات پاکستان (پی بی ایس) کے اعدادو شمار کے مطابق جاری مالی سال کے پہلے چھ ماہ میں جولائی تا دسمبر 2019ء کے دوران ٹیکسٹائل اور کپڑے کی برآمدات 6.90ارب ڈالر تک پہنچ گئیں۔ رپورٹ کے مطابق رواں مالی سال میں ویلیو ایڈیڈ مصنوعات کی برآمدات میں نمایاں اضافہ کے باعث مجموعی ملکی برآمدات کا حجم 3.14فیصد کے اضافہ سے جولائی تا دسمبر 2019ء میں 11.53ارب ڈالر تک بڑھ گیا۔ پی بی ایس کے مطابق دسمبر 2019ء میں ٹیکسٹائل اور کپڑے کی برآمدات 1.14ارب ڈالر رہیں جبکہ دسمبر 2018ء کے دوران 1.13ارب ڈالر کی برآمدات کی گئیں تھیں۔