آسٹریلیا نے آتشزدگی سے متاثرہ کاروباری شخصیات کو 5 لاکھ ڈالر امداد دینے کا اعلان کر دیا

پیر 20 جنوری 2020 11:24

کینبرا (اُردو پوائنٹ اخبارتازہ ترین - اے پی پی۔ 20 جنوری2020ء) آسٹریلوی حکومت نے جنگلات کی آگ سے متاثرہ چھوٹے تاجروںکو فی کس 5 لاکھ آسٹریلوی ڈالر امداد دینے کا اعلان کیا ہے۔ آسٹریلوی نشریاتی ادارے کے مطابق وزیر اعظم سکاٹ موریسن اعلان کیا ہے کہ حکومت جنگلات میں آتشزدگی سے متاثرہ کاروباری شخصیات کو 5 لاکھ آسٹریلوی ڈالر امداد دے گی۔

(جاری ہے)

انہوں نے کہا کہ یہ امداد گذشتہ ستمبر سے آج تک متاثر ہونے والی کاروباری شخصیات کو بلاسود فراہم کی جائے گی تاکہ وہ اپنے پائوں پر کھڑے ہو سکیں۔ مذکورہ امدای پیکیج کا اعلان حکومت اور کاروباری رہنماؤں کی مشاورت کے بعد کیا گیا ہے۔ واضح رہے کہ آگ سی4لاکھ30 ہزار چھوٹے بڑے کاروباروں کو نقصان پہنچا ہے جبکہ حکومت کی جانب سے تقریبا 8 سو ملین آسٹریلوی ڈالر امدادی پیکج کا اعلان کیا گیا ہے۔