سندھ ہائیکورٹ میں آئی جی کلیم امام کو ہٹانے کے نوٹیفکیشن کو چیلنج کردیا گیا

پیر 20 جنوری 2020 21:37

کراچی (اُردو پوائنٹ اخبارتازہ ترین - آن لائن۔ 20 جنوری2020ء) سندھ ہائیکورٹ میں آئی جی کلیم امام کو ہٹانے کے نوٹیفکیشن کو چیلنج کردیا گیا ہے۔ ایڈووکیٹ جبران ناصر کی جانب سے سندھ ہائی کورٹ میں دائر درخواست میں موقف اختیار کیا گیا ہے کہ آئی جی سندھ کو ہٹانے سے متعلق سندھ حکومت کے اقدامات غیر آئینی اور غیر قانونی ہیں۔

(جاری ہے)

درخواست میں موقف اپنایا گیا ہے کہ آئی جی سندھ کو ہٹانے کا طریقہ کار سندھ حکومت کے نئے قوانین پولیس ایکٹ دوہزار انیس کی بھی خلاف ورزی ہے، اس لئے آئی جی سندھ کو ہٹانے کا نوٹی فکیشن کالعدم قرار دیا جائے،سندھ ہائی کورٹ نے درخواست کی فوری سماعت کی استدعا منظور کرلی ہے۔#