اوپن یونیورسٹی کے بہار 2020ء میں پیش کئے گئے کورسز کے داخلوں کی تاریخ میں بغیر کسی لیٹ فیس چارجز کے 3 مارچ تک توسیع کی منظوری د ے دی گئی

جمعہ 21 فروری 2020 16:15

اسلام آباد (اُردو پوائنٹ اخبارتازہ ترین - اے پی پی۔ 21 فروری2020ء) علامہ اقبال اوپن یونیورسٹی کے وائس چانسلر پروفیسر ڈاکٹرضیاء القیوم نے یونیورسٹی کے سمسٹر بہار 2020ء میں پیش کئے گئے میٹرک ،ْ ایف اے ،ْ سرٹیفکیٹ کورسز اور اوپن ٹیک کورسز کے داخلوں کی تاریخ میں بغیر کسی لیٹ فیس چارجز کے 3 مارچ تک توسیع کی منظوری دیدی ہے۔

(جاری ہے)

داخلوں کی تاریخ میں توسیع کا مقصد زیادہ سے زیادہ لوگوں کو تعلیمی نیٹ میں لانا ہے اور کوشش ہے کہ حصول علم کے خواہشمند افراد کو تعلیمی نیٹ میں شامل ہونے کا ایک اور موقع ملے۔

داخلہ فارم اور پراسپیکٹس اسلام آباد میں یونیورسٹی کے مین کیمپس ،ْ علاقائی کیمسسز/رابطہ دفاتر اور ملک بھر میں قائم کردہ سیل پوائنٹس سے حاصل کئے جا سکتے ہیں۔ پراسپیکٹس اور داخلہ فارم یونیورسٹی کی ویب سائٹ پر بھی موجود ہیں۔ داخلوں کی اہلیت ،ْ تعلیمی طریقہ کار اور دیگر تفصیلات متعلقہ پراسپیکٹس میں موجود ہے۔ جاری طلباء و طالبات بھی اگلے سمسٹر کیلئے اپنی فیس 3 مارچ تک جمع کرا سکتے ہیں۔ جاری طلباء داخلہ فارم یونیورسٹی کی ویب سائٹ سے ڈائون لوڈ کر سکتے ہیں۔