آر پی او فیصل آبادکی قاتلانہ حملہ میں زخمی ہونیوالے ممبر ضلعی امن کمیٹی مفتی ضیا ء مدنی کی عیادت

جمعرات 27 فروری 2020 23:33

فیصل آباد 27 فروری(اُردو پوائنٹ اخبارتازہ ترین - اے پی پی۔ 27 فروری2020ء) :آر پی او فیصل آبادکی قاتلانہ حملہ میں زخمی ہونیوالے ممبر ضلعی امن کمیٹی مفتی ضیا ء مدنی کی عیادت، ملزمان کی جلد گرفتاری کیلئے سی پی او فیصل آباد کو ہدایات جلد صحتیابی کی دعاء کی۔

(جاری ہے)

تفصیلات کے مطابق آر پی اورفعت مختار راجہ نے ڈسٹرکٹ ہیڈ کواٹر ہسپتال فیصل آباد میں زیر علاج ممبر ضلعی امن کمیٹی مولانا ضیاء مدنی کی عیادت کی اور انہیں پھولوں کا گلدستہ پیش کیا۔

آر پی او فیصل آباد نے مفتی ضیا ء مدنی سے ہمدردی کا اظہار کیا اور انکی جلد صحت یابی کیلئے دعا کی۔انہوں نے کہا کہ واقعہ میں ملوث ملزمان کو جلد ٹریس آؤٹ کر کے کیفر کردار تک پہنچائیں گے۔علمائے دین کا کردار معاشرئے میں کلیدی اہمیت کا حامل ہے۔پولیس ان کے جان و مال کی حفا ظت کیلئے تمام ممکنہ اقدامات کریگی۔