شام کےعلاقےادلب میں فضائی حملہ، 29 ترک فوجی جاں بحق، 36 زخمی

صدر رجب طیب اردوان کی زیر صدارت قومی سلامتی کا ہنگامی اجلاس جاری، وزراء اور فوجی حکام کی شرکت

کامران حیدر اشعر جمعہ 28 فروری 2020 05:01

شام کےعلاقےادلب میں فضائی حملہ، 29 ترک فوجی جاں بحق، 36 زخمی

انقرہ (اُردو پوائنٹ اخبارتازہ ترین۔ 28 فروری 2020ء) شام کےعلاقےادلب میں فضائی حملہ، 29 ترک فوجی جاں بحق۔ صدر رجب طیب اردوان کی زیر صدارت ہنگامی اجلاس جاری، وزراء اور فوجی حکام کی شرکت۔

BREAKING — Number of fallen Turkish soldiers in Syrian regime attack in Idlib has increased to 29, Hatay Governor says; 36 more wounded are being treated in hospitalshttps://t.co/F2Elo0n7MG pic.twitter.com/Mb7segztiJ
— Daily Sabah (@DailySabah) February 27, 2020

تفصیلات کے مطابق شام کے علاقے ادلب میں ترک فوج پر ہونے والے ایک خوفناک فضائی حملے کے نتیجے 29 ترک فوجی جاں بحق ہو گئے ہیں جبکہ 36 زخمی ہوئے ہیں۔

Emergency national security meeting, chaired by President Erdoğan and attended by high-ranking officials, continues in capital Ankarahttps://t.co/F2Elo0n7MG pic.twitter.com/geEvf63ZMm
— Daily Sabah (@DailySabah) February 27, 2020

معروف ترک اخبار صبا کے مطابق اس وقت ترک صدر کی زیر صدارت انقرہ میں قومی سلامتی کا ہنگامی اجلاس جاری ہے جس میں اعلیٰ عہدیدار شریک ہیں۔ خبر ایجنسی کے مطابق ترک حکام نے بتایا ہے کہ ادلب کے علاقے میں تعینات ترک فوجیوں پر ہونے والا حملہ شامی افواج نے کیا ہے۔ واضح رہے کہ گزشتہ روز ترک صدر رجب طیب ایردوان نے کہا تھا کہ ترک فوج ادلب میں شامی فورسز کو ان کی چوکیوں سے رواں ہفتے پسپا کر دے گا۔

(جاری ہے)

غیر ملکی خبر رساں ادارے کے مطابق ایردوان کا یہ بیان ایک ایسے موقع پر سامنے آیا، جب شامی فورسز روسی فضائی مدد کے ذریعے ادلب میں پیش قدمی جاری رکھے ہوئے ہیں۔ اس عسکری پیش قدمی کی وجہ سے شامی صوبے ادلب سے قریب ایک ملین افراد نقل مکانی پر مجبور ہوئے جبکہ ترکی اس خطے میں باغیوں کی امداد کے لیے اپنے سینکڑوں فوجی تعینات کر چکا ہے۔