اقامہ، نئے ویزے پر سعودی عرب آنے والوں کو میڈیکل سرٹیفیکیٹ پیش کرنا ہوگا

اتوار 8 مارچ 2020 08:45

ریاض ۔ (اُردو پوائنٹ اخبارتازہ ترین - اے پی پی۔ 08 مارچ2020ء) سعودی وزارت داخلہ نے کہا ہے کہ کورونا کے شکار ممالک سے اقامہ ہولڈر یا نئے ویزے پر آنے والے غیر ملکیوں کو میڈیکل سرٹیفیکیٹ پیش کرنا ہوگا۔

(جاری ہے)

سعودی پریس ایجنسی کے مطابق سعودی وزارت داخلہ نے کہا ہے کہ ’میڈیکل سرٹیفیکیٹ سے یہ ثابت ہو کہآنے والے مسافر کورونا وائرس سے پاک ہیں۔وزارت نے کہا ہے کہ ’یہ سرٹیفیکیٹ ہر اس شخص کو پیش کرنا ہوگا جو کورونا کے شکار ممالک میں گزشتہ 14 دن کے دوران قیام کر چکا ہے۔وزارت نے مزید کہا کہ ’فضائی کمپنی کی ذمہ داری ہے کہ مسافروں کو جہاز میں سوار کرنے سے پہلے یقین کر لے کہ اس کے پاس سرٹیفیکیٹ موجود ہے اور گذشتہ 24 گھنٹے کے اندر جاری ہو۔