امان اللہ کے انتقال پر کراچی کے تمام فنکاربہت دکھی ہیں ‘ شہزاد رضا

میں اور لیاقت سولجر جب بھی کراچی سے لاہور آتے امان اللہ گھر سے خصوصی طور پر کھانا بنا کر لاتے تھے

پیر 9 مارچ 2020 13:13

امان اللہ کے انتقال پر کراچی کے تمام فنکاربہت دکھی ہیں ‘ شہزاد رضا

لاہور(اُردو پوائنٹ اخبارتازہ ترین - این این آئی۔ 09 مارچ2020ء) سینئر اداکارشہزاد رضا نے کہا ہے کہ کنگ آف کامیڈین امان اللہ خان کے انتقال پر کراچی کے تمام فنکاربہت دکھی ہیں ۔ انہوں نے کہا کہ میرا امان اللہ خان سے بڑا قربت کا تعلق تھا ۔

(جاری ہے)

میں اور لیاقت سولجر جب بھی کراچی سے لاہور آتے تو امان اللہ اپنے گھر سے خصوصی طور پر کھانا بنا کر لاتے تھے اور دوسرے وقت کا کھانا ببو برال کے گھر ہوتا تھا۔ انہوں نے کہا کہ امان اللہ خان کے دنیا سے چلے جانے سے دل بہت دکھی ہے اور ان جیسا فنکار صدیوں میں پیدا ہوتا ہے ۔ انہوں نے سہیل احمد کو خراج تحسین پیش کرتے ہوئے کہا کہ سہیل احمد عظیم فنکار ہونے کے ساتھ ساتھ بڑا انسان بھی ہے ، انہوں نے ہمیشہ دوستوں کاکڑے وقت میںبھرپور ساتھ دیا ہے ۔