ایران میں کورونا کی صورت حال امریکی پابندیوں کا نتیجہ ہے، روس

ہفتہ 28 مارچ 2020 16:50

ماسکو (اُردو پوائنٹ اخبارتازہ ترین - اے پی پی۔ 28 مارچ2020ء) روس کی وزارت خارجہ کی ترجمان نے ایران میں کورونا کی جاری صورتحال کو امریکی پابندی کی وجہ بتاتے ہوئے ایران پر امریکہ کی یکطرفہ پابندیوں کے خاتمے کا مطالبہ کیاہے ۔

(جاری ہے)

ایران ٹی وی کے مطابق روس کی وزارت خارجہ کی ترجمان ماریا زاخارووا نے ہفتہ وار پریس بریفنگ کے دوران جو ویڈیو کانفرنس کی صورت میں ہوئی کہا کہ ماسکو، واشنگٹن سے مطالبہ کرتا ہے کہ وہ ایران کے خلاف غیر انسانی پابندیوں کو جو کورونا سے مقابلہ کرنے کی راہ میں رکاوٹ ہے ختم کرے۔

اس سے قبل روس کے دیگر حکام نے بھی حالیہ ہفتوں کے دوران ایران مخالف امریکی پابندیوں کے خاتمے کا مطالبہ کیا تھا۔عالمی سطح پر ایران کے خلاف جاری امریکی پابندیوں کے خاتمے کے مطالبوں اور دباو کے باوجود امریکی حکام ایران کے خلاف یکطرفہ پابندیوں کو اٹھانے سے انکار کر رہا ہے۔