مناسب فورم کا استعمال نہیں کیا، سپریم کورٹ نے ٹیکس لاء ترمیمی آرڈیننس 2020ء کے خلاف مسلم لیگ( ن) کے دانیال عزیز کی درخواست اعتراض لگا کر واپس کر دی

جمعہ 15 مئی 2020 16:27

اسلام آباد (اُردو پوائنٹ اخبارتازہ ترین - اے پی پی۔ 15 مئی2020ء) سپریم کورٹ نے ٹیکس لاء ترمیمی آرڈیننس 2020ء کے خلاف مسلم لیگ( ن) کے رہنما دانیال عزیز کی جانب سے دائر درخواست اعتراض لگا کر واپس کر دی ہے۔

(جاری ہے)

جمعہ کو سپریم کورٹ کے رجسٹرار آفس کی جانب سے لگائے گئے اعتراض میں کہا گیا ہے کہ درخواست گزار نے مناسب فورم کا استعمال نہیں کیا، مسلم لیگ (ن) کے رہنما دانیال عزیز کی جانب سے دائر درخواست میں عوامی مفاد سے متعلق سوالات نہیں اٹھائے گئے۔ واضح رہے کہ مسلم لیگ (ن) کے رہنما دانیال عزیز نے ٹیکس آرڈیننس کے خلاف سپریم کورٹ میں درخواست دائر کی تھی جس میں انہوں نے مؤقف اپنایا تھا کہ ٹیکس آرڈیننس سے امیر طبقہ کو ریلیف دیا گیا ہے۔