بلوچستان میں ہفتے کی شب کو زلزلے کے شدید جھٹکے

زلزلہ صوبے کے مختلف علاقوں میں محسوس کیے گئے، عوام میں خوف و ہراس پھیل گیا

محمد علی ہفتہ 16 مئی 2020 23:20

کوئٹہ (اردو پوائنٹ اخبار تازہ ترین ۔16مئی 2020ء) بلوچستان میں ہفتے کی شب کو زلزلے کے شدید جھٹکے، زلزلہ صوبے کے مختلف علاقوں میں محسوس کیے گئے، عوام میں خوف و ہراس پھیل گیا۔ تفصیلات کے مطابق بتایا گیا ہے کہ ہفتے کی شب کو بلوچستان کے علاقے دکی اور گرد و نواح میں زلزلے کے شدید جھٹکے محسوس کیے گئے۔

(جاری ہے)

زلزلے کے جھٹکے محسوس کرنے پر لوگ خوف و ہراس کا شکار ہو کر گھروں اور عمارتوں سے باہر نکل آئے۔ اس دوران لوگ باآواز بلند کلمہ طیبہ کا ورد کرتے رہے۔ تاہم خوش قسمتی سے زلزلے کے باعث کسی جانی یا مالی نقصان کی اطلاع نہیں ملی۔ جبکہ زلزلے کی شدت، مرکز اور گہرائی کے حوالے سے تفصیلات کا انتظار کیا جا رہا ہے۔