Live Updates

(ن) لیگ قومی جماعت ، صوبائیت یا ڈیم کارڈ کی سیاست کبھی نہیں کی‘ عظمیٰ بخاری

جس ٹیم کو ناتجربہ کار کہا گیا، اس نے ڈیڑھ سال میں پنجاب کے 80 منصوبے مکمل کئے نام نہاد تجربہ کاروں نے 17سال میں کراچی اور سندھ کو تباہی کے سوا کچھ نہ دیا‘وزیر اطلاعات پنجاب

جمعرات 18 ستمبر 2025 17:07

(ن) لیگ قومی جماعت ، صوبائیت یا ڈیم کارڈ کی سیاست کبھی نہیں کی‘ عظمیٰ ..

لاہور (اُردو پوائنٹ اخبارتازہ ترین - این این آئی۔ 18 ستمبر2025ء) وزیر اطلاعات و ثقافت پنجاب عظمی بخاری نے کہا ہے کہ مسلم لیگ (ن) نے کبھی صوبائیت، نہروں یا ڈیم کا کارڈ نہیں کھیلا،مسلم لیگ (ن) ایک حقیقی قومی جماعت ہے جو ہمیشہ قومی سوچ اور قومی ترقی کو ترجیح دیتی آئی ہے،جس ٹیم کو پیپلز پارٹی والے ناتجربہ کار قرار دے رہے ہیں، اسی ٹیم نے صرف ڈیڑھ سال کے اندر پنجاب میں 80منصوبوں کے ذریعے ترقی کا انقلاب برپا کیا ہے،نام نہاد ’’تجربہ کاروں‘‘نے گزشتہ 17سالوں میں کراچی اور سندھ کو جس حال تک پہنچایا ہے، اس پر عوام آج بھی کرب کا شکار ہیں۔

(جاری ہے)

ان خیالات کا اظہار انہوں نے شرجیل میمن کے بیان پر رد عمل دیتے ہوئے کیا۔سندھ میں پچھلے سیلاب کی تباہ کاریوں کے نشانات آج تک باقی ہیں حالانکہ بیرونی امداد بھی فراہم کی گئی تھی۔وزیر اطلاعات نے کہا کہ پنجاب میں سیلاب کے ادوار میں پیپلز پارٹی نے جو کردار ادا کیا وہ سب نے دیکھا اور پنجاب اس کردار کو کبھی نہیں بھولے گا۔انہوں نے مزید کہا کہ اپنے چیئرمین بلاول بھٹو زرداری کی اس بات کو جھٹلانا کہ سیلاب کے دوران مریم نواز کی خدمات قابلِ تعریف تھیں، پیپلز پارٹی کی قیادت کو زیب نہیں دیتا۔