, طیارہ حادثے کی اصل وجوہات سامنے آنے تک قیاس آرائیوں سے گریز کیا جائے،لواحقین اور متاثرین کی دل آزاری ہوتی ہے، اعجاز شاہ

جمعہ 22 مئی 2020 22:40

ب*اسلام آباد(اُردو پوائنٹ اخبارتازہ ترین - آن لائن۔ 22 مئی2020ء) وفاقی وزیرداخلہ اعجاز شاہ نے کہا ہے کہ طیارہ حادثے کی اصل وجوہات سامنے آنے تک قیاس آرائیوں سے گریز کیا جائے اس سے لواحقین اور متاثرین کی دل آزاری ہوتی ہے۔ حکومت حقائق سامنے لائے گی۔

(جاری ہے)

میڈیا رپورٹس کے مطابق جمعہ کے روز جاری بیان میں بریگیڈئیر ریٹائرڈ اعجاز شاہ نے کہا ہے کہ پی آئی اے طیارہ حادثے کی اصل وجوہات سامنے آنے تک قیاس آرائیوں سے گریز کیا جائے کیونکہ قیاس آرائیوں اور غیرذمہ دارانہ بیانات سے لواحقین اور متاثرین کی دل آزاری ہوتی ہے۔

انہوں نے کہا کہ وزیراعظم کی ہدایت پر وفاقی حکومت امدادی کاروائیوں میں ساتھ دے گی جلد اس ناخوشگوار واقعے کے حقائق سامنے لائیں گے۔ وفاقی وزیرداخلہ اعجاز شاہ نے کہا کہ پی آئی اے حادثے نے عید کی خوشیاں مزید پھیکی کردی ہیں۔ ۔