باجوڑ،اے ڈی سی کا مختلف علاقوں کا دورہ، پولیو ٹیموں کی کارکردگی کا جائزہ

بدھ 23 ستمبر 2020 17:54

باجوڑ۔ (اُردو پوائنٹ اخبارتازہ ترین - اے پی پی۔ 23 ستمبر2020ء) ڈپٹی کمشنر باجوڑ کی خصوصی ہدایت پر ایڈیشنل اسسٹنٹ کمشنر ریوینیو عجم خان آفریدی نے ایڈیشنل ڈپٹی کمشنر زمین خان کے ہمراہ تحصیل برنگ کے مختلف علاقوں کا دورہ کیا اور وہاں پر موجود پولیو ٹیموں کی کارکردگی کا جائزہ لیا۔

(جاری ہے)

واضح رہے کہ کل انسداد پولیو مہم کے دوران ڈھنڈ برنگ میں 204 اور جلالی سر برنگ میں 5 افراد نے بچوں کو پولیو کے قطرے پلانے سے انکار کیا تھا، دونوں افسران نے مذکورہ علاقوں کا بھی دورہ کیا اور وہاں پر علاقے کے لوگوں سے کامیاب مذاکرات کے بعد علاقے کو کلیر کیا اور تمام انکاری خاندانوں کو پولیو کے قطرے پلائیں۔

اسکے علاوہ اے سی ریونیو نے پولیو ٹیموں کے حوصلہ افزائی کیلئے ایریاز انچارج کیساتھ بھی ملاقات کی اور ان کو کارکردگی بہتر کرنے کی ہدایت کی۔