اساتذہ کے قدموں میں بیٹھ کر موسیقی کی الف ب سیکھی ‘شبنم مجید

اپنے بیٹے مومن میں ایک بڑے گلوکار کی تمام خوبیاںنظر آتی ہیں ‘خصوصی گفتگو

منگل 27 اکتوبر 2020 11:42

اساتذہ کے قدموں میں بیٹھ کر موسیقی کی الف ب سیکھی ‘شبنم مجید

لاہور(اُردو پوائنٹ اخبارتازہ ترین - این این آئی۔ 27 اکتوبر2020ء) نامور گلوکارہ شبنم مجید نے کہاہے کہ میں نے اپنی زندگی میں جو بھی چاہا خدا کی ذات نے مجھے عطا کیا ،میرا شروع سے گلوکاری کی جانب رجحان تھا لیکن مجھے یہ معلوم نہیںتھاکہ مجھے اتنی شہرت ملے گی ۔

(جاری ہے)

ایک انٹر ویو میںشبنم مجید نے کہا کہ میں نے اساتذہ کے قدموں میں بیٹھ کر موسیقی کی الف ب سیکھی ہے اور مجھے اس پر فخر ہے ،میری گلوکاری میں نظر آنے والے نکھار میں استاد نصرت فتح علی خان، ملکہ ترنم نور جہاں ، استاد طافو سمیت دیگر نامور اساتذہ کا بڑا ہاتھ ہے جن کو میں کبھی بھی فراموش نہیں کر سکتی ۔

میں نے پاکستانی فلموں کے ساتھ بھارتی فلموں کے لئے بھی گانے ریکارڈ کرائے ہیں ۔انہوںنے کہا کہ اگر میرے بچے موسیقی کی طرف آنا چاہیں تو میں ہرگز کوئی رکاوٹ نہیں ڈالوں گی بلکہ مجھے اپنے بیٹے مومن میں ایک بڑے گلوکار کی تمام خوبیاں نظر آتی ہے ۔