ینگ ڈاکٹر ایسوسی ایشن جنرل ہسپتال نے او پی ڈیز بند کرنے کا اعلان کر دیا

ہفتہ 14 نومبر 2020 20:14

لاہور(اُردو پوائنٹ اخبارتازہ ترین - این این آئی۔ 14 نومبر2020ء) ینگ ڈاکٹر ایسوسی ایشن جنرل ہسپتال نے او پی ڈیز بند کرنے کا اعلان کر دیا۔ جنرل ہسپتال لاہور میں میڈیا سے گفتگو کرتے ہوئے صدر وائے ڈی اے جنرل ہسپتال ڈاکٹر عمار یوسف نے او پی ڈیز بند کرنے کا اعلان کر تے ہوئے کہا کہ حکومت کی جانب سے کورونا وباء کی لہرکے دوران بھی حفاظتی سامان نہیں دیا جا رہا، اس کے باعث یہ مشکل فیصلہ کیا۔

(جاری ہے)

محکمہ صحت کی پالیسیز بنانے والے بیوروکریٹ ہی آ کر اپ او پی ڈیز میں بیٹھیں۔یاسمین راشد نے پہلے بھی کہا کہ کورونا کے دوران کام تو بیوروکریٹس نے کیا ینگ ڈاکٹرز نے کچھ نہیں کیا، اب وہی بیوروکریٹ آکر او پی ڈیز سنبھالیں۔