ہانگ کانگ نے بھارتی ائیرلائن پر پابندی عائد کر دی

ائیر انڈیا کی پرواز سے سفر کرنے والے مسافروں میں کرونا کی تشخیص کے پابندی عائد کرنے کا فیصلہ کیا گیا

محمد علی اتوار 22 نومبر 2020 00:24

ہانگ کانگ (اُردو پوائنٹ اخبارتازہ ترین۔ 21 نومبر2020ء) ہانگ کانگ نے بھارتی ائیرلائن پر پابندی عائد کر دی، ائیر انڈیا کی پرواز سے سفر کرنے والے مسافروں میں کرونا کی تشخیص کے پابندی عائد کرنے کا فیصلہ کیا گیا۔ تفصیلات کے مطابق کرونا وائرس پھیلاو کے لحاذ سے امریکا کے بعد دنیا کے دوسرے سب سے خطرناک ملک بھارت کی سرکاری ائئرلائن ائیر انڈیا پر ہانگ کانگ کی جانب سے پابندی عائد کی گئی ہے۔

بتایا گیا ہے کہ ہانگ کانگ حکام نے مسافروں کا کورونا ٹیسٹ مثبت آنے پر ایئر انڈیا کی پروازوں پر پابندی عائد کی۔ یہ پانچواں موقعہ ہے جب پانگ کانگ نے ائیر انڈیا پر پابندی عائد کی۔ حال ہی میں بھارت سے ہانگ کانگ پہنچننے والی ائیر انڈیا کی پرواز کے مسافروں کا کرونا ٹیسٹ کیا گیا کچھ مسافروں کے ٹیسٹ مثبت آئے۔

(جاری ہے)

اس صورتحال میں سخت ایکشن لیتے ہوئے 3 دسمبر تک ایئر انڈیا کی ہانگ کانگ تک کی پروازوں پر پابندی عائد کردی گئی۔

اس سے قبل، اگست، ستمبر اور اکتوبر میں بھی ائیرانڈیز کی ہانگ کانگ تک کی پروازوں پر پابندی عائد کی گئی تھی۔ اب عائد کردہ پابندی کے مطابق 20 نومبر سے 3 دسمبر تک ائیرانڈیا کی کسی پرواز کو ہانگ کانگ داخل ہونے کی اجازت نہیں ہوگی۔ یہاں یہ واضح رہے کہ بھارت میں کرونا وائرس پھیلاو کی صورتحال انتہائی خطرناک شکل اختیار کر چکی ہے۔ بھارت میں اب بھی یومیہ بنیاد پر 50 ہزار تک کرونا کیسز اور سینکڑوں اموات رپورٹ ہو رہی ہیں۔ عالمی ماہرین کے مطابق بھارت کی حکومت کرونا وبا کو کنٹرول کرنے میں بہت بری طرح ناکام ہوئی۔