علما یونیورسٹی کی اقوام متحدہ کے مستقل ترقیاتی مقصد کے ساتھ سالڈ ویسٹ کی ریسائکلنگ سے متعلق ریسرچ

کراچی (اُردو پوائنٹ اخبارتازہ ترین - این این آئی۔ 20 جنوری2021ء) علما یونیورسٹی کے ڈپارٹمنٹ آف بزنس ایڈمنسٹریشن کے اعلی صلاحیت رکھنے والے اسکالر ارشیئن شریف کے مضمون بعنوان، میونسپلٹی ٹھوس فضلہ کی ری سائیکلنگ سے معاشی نمو ، کاربن کے اخراج اور توانائی کی بچت سے لے کر ایک نئے بوٹسٹریپنگ آٹوریجریٹیف تقسیم شدہ وقفے میں متحرک اور حادثاتی باہمی تعلقات کا ایس ڈی جی # 13 کے ذریعے جائزہ" کا اہم عاخمی جریدے میں شائع ہونا ایک اور اہم سنگ میل ہے ۔

ماحولیاتی حوالے سے لکھے جانے والے اس پیپر کو حال ہی میں ایلسوائر جریدے میں اعلی تحقیق کے طور پر شامل کیا گیا تھا۔ یہ تحقیق شدہ مضمون جنگی بنیادوں پر پائیدار اور عملی حل تلاش کرنے کے ارد گرد گھومتا ہے۔ اس نے اس بڑھتے ہوئے خطرہ کو روکنے کے لئے ساللڈ ویسٹ کے انتظام کو ایک عالمی مسئلہ بننے اور سرکلر معیشت کے طریق کار کی اہمیت کی نشاندہی کی۔

(جاری ہے)

یہ سرکلر ڈیزائن 9R اصولوں پر مبنی تھا جہاں مختلف پروڈکشن چینز کی درجہ بندی کی گئی ہے۔ اس جامع مطالعہ میں 1990 سے لے کر 2017 تک کے اعداد و شمار کا تجزیہ کرتے ہوئے اقتصادی ترقی اور ماحولیاتی معیار پر MSW کی ریسائیکلنگ کے اثر کا اندازہ لگایا گیا ہے یہ واقعی علما یونیورسٹی کی طرف سے عالمی سطح پر ماحولیاتی ترقی کے حل کو اجاگر کرنے اور ان کی فراہمی کے قابل حل ہونے کے لئے قابل تعریف تحقیقی مضمون کی اشاعتت ہے۔