ایشین چیمپنزٹرافی، پاکستان اور بھارت کا آمنا سامنا اب نہیں ہوگا

پاکستان کا روایتی حریف بھارت کیخلاف میچ 13 مارچ کو کھیلا جانا تھا

جمعہ 22 جنوری 2021 17:54

ایشین چیمپنزٹرافی، پاکستان اور بھارت کا آمنا سامنا اب نہیں ہوگا

اسلام آباد (اُردو پوائنٹ اخبارتازہ ترین - این این آئی۔ 22 جنوری2021ء) ایشین ہاکی فیڈریشن نے ڈھاکہ میں ہونے والی مینز ایشین چیمپنزٹرافی ملتوی کردی ہے۔ایشین ہاکی فیڈریشن کے ترجمان کے مطابق مینز ایشین چیمپنز ٹرافی 11 مارچ سے ڈھاکہ میں شیڈول تھی۔ پاکستان ہاکی ٹیم نے بھی ایونٹ میں شرکت کرنا تھی جس میں پاکستان کا روایتی حریف بھارت کیخلاف میچ بھی 13 مارچ کو کھیلا جانا تھا۔

(جاری ہے)

جنوبی کوریا میں ہونیوالی ویمن ایشین چیمپنز ٹرافی بھی بھی ملتوی کرنے کا اعلان کیا گیا ہے۔ ویمنز ایشین ہاکی چیمپئنز ٹرافی 31 مارچ سے سات اپریل تک کوریا میں طے تھے۔ اے ایچ، ایف کیمطابق اب یہ ایونٹ رواں سال نومبر یا اس کے بعد شیڈول کیے جائیں گے۔