شوکت صدیقی کا کیس کی سماعت جلد مقرر کرنے کیلئے چیف جسٹس کو خط

30 جون 2021 ء تک میری ریٹائرمنٹ پر درخواست غیر موثر ہوجائے گی، شوکت عزیز صدیقی

پیر 8 مارچ 2021 20:25

شوکت صدیقی کا کیس کی سماعت جلد مقرر کرنے کیلئے چیف جسٹس کو خط

اسلام آباد (اُردو پوائنٹ اخبارتازہ ترین - این این آئی۔ 08 مارچ2021ء) سابق جج اسلام أباد ہائیکورٹ شوکت عزیز صدیقی نے چیف جسٹس پاکستان سے اپنے کیس کی سماعت جلد مقرر کرنے کی درخواست کردی۔اسلام آباد ہائیکورٹ کے سابق جج شوکت عزیز صدیقی کی جانب سیچیف جسٹس پاکستان کے نام لکھے گئے خط میں درخواست کی گئی ہے کہ میرے کیس کی سماعت جلد مقرر کی جائے۔

(جاری ہے)

شوکت عزیز صدیقی نے خط میں کہا کہ میرے کیس کی سماعت جلد اور روزانہ کی بنیاد پر کی جائے،28 جنوری کو5 رکنی بینچ نے فروری میں سماعت کا حکم دیا تھا۔خط میں انہوں نے کہا کہ اب تک کیس سماعت کے لیے مقرر نہیں کیا گیا، درخواست کو 30 جون 2021 ء تک زیر التوا رکھا جا رہا ہے۔شوکت عزیز صدیقی نے کہا کہ 30 جون 2021 ء تک میری ریٹائرمنٹ پر درخواست غیر موثر ہوجائے گی۔