تھانہ اے سیکشن پر عدالتی چھاپہ ، ناحق گرفتار باپ و بیٹا بازیاب ، عملہ ریکارڈ سمیت عدالت طلب

اتوار 18 اپریل 2021 00:00

سکھر (اُردو پوائنٹ اخبارتازہ ترین - این این آئی۔ 17 اپریل2021ء) تھانہ اے سیکشن پر عدالتی چھاپہ ، ناحق گرفتار باپ و بیٹا بازیاب ، عملہ ریکارڈ سمیت عدالت طلب ، عدالتی زرائع کے مطابق تھانہ اے سیکشن پر ناحق گرفتاری کی درخواست پر سیشن کورٹ کے مجسٹریٹ کی نگرانی میں چھاپہ مارا گیا اور تھانے میں ناحق گرفتار والد اور بیٹا منیر سلطان اور محمد رمضان کو بازیاب کرالیا گیا عدالتی عملے کے مطابق کاروائی سکھر کے علاقے واری تڑ کی مکین مسمات نوشین کی جانب سے عدالت میں دی جانیوالی درخواست پر کی گئی ہے جس میں انہوں نے موقف اختیار کیا تھا کہ تھانہ اے سیکشن پولیس نے میرے شوہر اور بیٹے کو بلاجواز گرفتار کر کے لئے گئی ہے اور جھوٹے کیسوں میں پھنسانا چاہتی ہے عدالتی عملے نے چھاپہ مار کر کے دونوں افراد کو رہا کر لیا اور تھانے کے عملے کو ریکارڈ سمیت عدالت طلب کر لیا گیا ہے ۔