چیف ایگزیکٹیو آفیسر حیسکو ریحان حمید کا حیسکو ہیڈ کوارٹر میں افسران سے اجلاس

حیدرآباد(اُردو پوائنٹ اخبارتازہ ترین - این این آئی۔ 15 جون2021ء) چیف ایگزیکٹیو آفیسر حیسکو ریحان حمید نے حیسکو ہیڈ کوارٹر میں افسران سے اجلاس منعقد کیا، سہون سب ڈویژن میں جاری تمام ترقیاتی کاموں کو جلد از جلد مکمل کرنے کی ہدایات دیں، اجلاس میں جنرل منیجر آپرشن عبد الاحد، چیف ٹیکنیکل آفیسر زاہد پرویز مغل ، سپرنٹنڈنگ انجینئر سرکل لاڑ منظور حسین سومرو ، منیجر مٹیریل مینجمنٹ شفقت علی، ایگزیکٹیو انجینئر کوٹری ڈویژن غلام فاروق تینواور ، پی ڈی سی انچارج غلام سرور انٹر SDO سہون سب ڈویژن ابراہیم کیریو و دیگر افسران شامل تھے، حیسکو چیف نے سپرنٹنڈنگ انجینئر لاڑ سرکل کو ہدایات دیں کہ آپریشن سب ڈویژن سہون میں جاری تمام ترقیاتی کاموں کو 15 دن کے اندر مکمل کیا جائے ،خصوصی طور پر سہون شھر کے اندر تمام 11 کے وی فیڈروں کے بجلی کنکشنوں کی ABC کیبل کے تحت سیکیورنگ کا جلد از جلد مکمل کریں ، ٹرانسفامر ز کی مانیٹرنگ کو مزید سخت کریں ، اس کے بعد ریکوری اور لاسز کی بنیاد پر عوام کو بجلی بہتر سہولت فراہم کی جائے گی اور بجلی کی لوڈشیڈنگ ختم کرنے کے اقدامات کیئے جائیں گے، حیسکو چیف نے کہا کہ سہون سب ڈویژن کے شہر کے علاقے میں جن فیڈروں کے لائن لاسز کم ہیں اور ریکوری 100فیصد سے بھی زیادہ ہے ،( یعنی موجودہ بل کے ساتھ بجلی کے واجبات کی رقم میں سے بھی ادائیگی کی گئی ہے )تو ایسے فیڈروں کو مسلسل بجلی کی فراہمی دینے کے کیئے جائیں گے تاکہ صارفین کو بہتر سے بہتر سروس فراہم کی جا ئے۔