ٹک ٹاکرکاشف ضمیر دو روزہ جسمانی ریمانڈ پر پولیس کے حوالے

ہفتہ 19 جون 2021 20:32

لاہور(اُردو پوائنٹ اخبارتازہ ترین - این این آئی۔ 19 جون2021ء) ترک ڈرامہ ارطغرل غازی کے ہیرو انگین آلتان سے فراڈ کرنے والے پاکستانی ٹک ٹاکرکاشف ضمیر کو دو روزہ جسمانی ریمانڈ پر پولیس کے حوالے کر دیاگیا ۔ملزم کاشف ضمیر کو سی آئی اے پولیس نے کینٹ کچہری میں جوڈیشل مجسٹریٹ رحمان الٰہی کی عدالت میں پیش کیا تھا۔

(جاری ہے)

تفتیشی افسر نے عدالت کو بتایا کہ ارطغرل غازی کے ہیرو انگین آلتان کو ملزم نے ایونٹس کے لیے پاکستان بلا کر 8 کروڑ روپے کا جعلی چیک دیا، جس کے بعد انگین آلتان پاکستان کا دورہ ادھورا چھوڑ کر واپس چلے گئے۔

سی آئی اے پولیس نے عدالت سے استدعا کی کہ انگین آلتان کی شکایت پر مقدمہ درج کر لیا گیا ہیلہٰذاتفتیش کے لیے جسمانی ریمانڈ دیا جائے جس پر عدالت نے ملزم کو دو روزہ جسمانی ریمانڈ پر سی آئی اے کے حوالے کر دیا۔فراڈ کے ایک اور مقدمے میں عدالت نے کاشف ضمیر کو جوڈیشل ریمانڈ پر جیل بھجوانے کا حکم دیدیا ۔