کورونا کیسز میں اضافہ ہوا تو اسکولز بند کرنا پڑیں گے، وزیرِتعلیم خیبر پختو نخوا

خیبر پختون خوا میں 27 جولائی سے نویں اور گیارہویں جماعت کے طلباء و طالبات کے امتحانات شروع ہوں گے، شہرام خان ترکئی

جمعرات 15 جولائی 2021 14:12

کورونا کیسز میں اضافہ ہوا تو اسکولز بند کرنا پڑیں گے، وزیرِتعلیم خیبر ..

پشاور (اُردو پوائنٹ اخبارتازہ ترین - این این آئی۔ 15 جولائی2021ء) وزیر تعلیم خیبر پختون خوا شہرام خان ترکئی نے کہا ہے کہ اگر صوبے میں کورونا وائرس کے کیسز میں مزید اضافہ ہوا تو اسکولز بند کرنا پڑیں گے۔وزیرِتعلیم خیبر پختون خوا نے میڈیا سے گفتگو کرتے ہوئے بتایا کہ صوبے میں 10 ویں اور 12 ویں جماعت کے تقریباً 6 لاکھ 70 ہزار طلباء و طالبات امتحان دے رہے ہیں۔

(جاری ہے)

شہرام خان ترکئی نے بتایا کہ خیبر پختون خوا میں 27 جولائی سے نویں اور گیارہویں جماعت کے طلباء و طالبات کے امتحانات شروع ہوں گے۔انہوں نے کہا کہ امتحان میں کنٹرولر مالاکنڈ بورڈ کے بیٹے کا نقل کرنا غیر اخلاقی اور غلط تھا۔شہرام خان ترکئی نے کہا کہ کنٹرولر کے خلاف ایف آئی آر درج ہے، اس سلسلے میں نیب کے پاس بھی جائیں گے۔وزیرتعلیم خیبر پختون خوا نے کہاکہ مالا کنڈ کے کنٹرولر کے بیٹے کو بھی نقل کرنے کی سزا ملے گی۔