کورونا ویکسی نیشن اور پابندیوں کے خلاف دنیا کے کئی ممالک میں پرتشدد مظاہرے

مختلف مقامات پر مظاہرین کی پولیس سے جھڑپیں ، پولیس کی آنسو گیس کی شیلنگ ، جلائو گھیرائو ، مختلف ممالک میں سڑکیں میدان جنگ بن گئیں

اتوار 25 جولائی 2021 16:35

لندن/پیرس/روم /سڈنی (اُردو پوائنٹ اخبارتازہ ترین - این این آئی۔ 25 جولائی2021ء) کورونا ویکسی نیشن اور پابندیوں کے خلاف دنیا کے کئی ممالک میں پرتشدد مظاہرے کیے گئے لندن، پیرس، ایتھنز، سڈنی اور میلبرن میں ہزاروں افراد کورونا پابندیوں اور ویکسی نیشن کے خلاف سڑکوں پر نکل آئے ۔مظاہرین کی جانب سے کورونا پابندیاں ختم کرنے اور آزادی بحال کرنے کا مطالبہ کیا گیامختلف مقامات پر مظاہرین کی پولیس سے جھڑپیں بھی ہوئیں، پولیس کی جانب سے مظاہرین کو منتشر کرنے کے لیے آنسو گیس کی شیلنگ کی گئی جبکہ مظاہرین کی جانب سے جلاؤ گھیراؤ کیا گیا جس کے نتیجے میں مختلف ممالک میں سڑکیں میدان جنگ بن گئیں۔

ادھر آسٹریلیا سے کورونا لاک ڈائون کیخلاف شروع ہونے والے مظاہرے عالمی تحریک میں تبدیل ہوگئے۔

(جاری ہے)

ویکسین نہ لگوانے اور لاک ڈائون میں نرمی کے خواہش مند ہزاروں افراد نے لندن، پیرس اور روم میں پٴْرتشدد مظاہرے کیے جس کے دوران مظاہرین اور پولیس میں جھڑپیں بھی ہوئیں۔سب سے بڑا مظاہرہ فرانس میں کیا گیا جس میں ایک لاکھ 60 ہزار افراد نے شرکت کی، مظاہرین نے پلے کارڈز اٴْٹھا رکھے تھے جس میں ایس او پیز میں نرمی کے نعرے درج تھے۔

پولیس نے آنسو گیس کی شیلنگ کرکے مظاہرین کو منتشر کیا۔اٹلی کے دارالحکومت کی سڑکیں بھی احتجاجی مظاہرین سے بھری رہیں۔ مظاہرے کے شرکاء نے کورونا لاک ڈاو?ن اور زبردستی ویکسین لگانے کے عمل کو ’’آمرانہ اقدام‘‘ قرار دیتے ہوئے حکومت سے بنیادی انسانی حقوق کی فراہمی کا مطالبہ کیا۔اسی طرح لندن میں بھی لوگوں کی بڑی تعداد نے کورونا پابندیوں کے خلاف شدید احتجاج کیا۔ مظاہرین کا کہنا ہے کہ حکومت نے کورونا کے نام پر صرف اس ماہ 6 لاکھ سے زائد افراد کو خودساختہ قرنطینہ پر مجبور کردیا ہے جو کہ ناقابل برداشت ہے۔