ڈسٹرکٹ پولیس افس زیارت میں تقریب کا اہتمام

زیارت میں محکمہ پولیس کو جدید خطوط پر استوار کریں گے،ڈسٹرکٹ پولیس افسر کا خطاب

جمعرات 29 جولائی 2021 22:13

زیارت(اُردو پوائنٹ اخبارتازہ ترین - این این آئی۔ 29 جولائی2021ء) ڈسٹرکٹ پولیس افس زیارت میں ایک تقریب کا انعقاد کیا گیا۔تقریب میں ایس پی زیارت نوراحمد رند ایس ایچ او زیارت سجاد احمد انسپکٹر شاکر خان اور کلیم اللہ بازئی کے علاوہ پولیس افسران اور اہلکاروں نے شرکت کی تقریب میں ایس پی زیارت نوراحمد رند اور ایس ایچ او سجاد احمد نے ہیڈ کانسٹیبل پر ترقی پانے والے سید عبدالحنان آغا کو رینک لگائے۔

(جاری ہے)

تقریب سے ڈسٹرکٹ پولیس افسر نور احمد رند نے خطاب کرتے ہوئے کہا کہ ضلع زیارت میں محکمہ پولیس کو جدید خطوط پر استوار کریں گے۔محکمہ پولیس کے اہلکار اپنی ڈیوٹی ایمانداری اور لگن سے ادا کریں ہم ان کی ہر فورم پر حوصلہ افزائی کریں گے۔