ٹیٹنس انجکشن کی قلت دور کرنے کیلئے 15 لاکھ ڈوز درآمد کر لی گئیں

لاہور(اُردو پوائنٹ اخبارتازہ ترین - این این آئی۔ 25 مئی2024ء) پنجاب میں اینٹی ٹیٹنس انجکشن کی قلت دور کرنے کیلئے مقامی فارما کمپنی نے 15 لاکھ ڈوز درآمد کر لیں۔نجی ٹی وینے ذرائع کے حوالے سے کہا ہے کہ پنجاب میں اینٹی ٹیٹنس انجکشن کی قلت دور کرنے کیلئے ڈریپ کی کاوشیں رنگ لے آئی ہیں اور اینٹی ٹیٹنس انجکشن کی 15 لاکھ ڈوز مقامی فارما کمپنی نے درآمد کر لی ہیں، اینٹی ٹیٹنس انجکشن کی درآمد کردہ کھیپ 27 مئی کو پاکستان پہنچے گی، فارما کمپنی امپورٹڈ اینٹی ٹیٹنس انجکشن پنجاب حکومت کو فراہم کرے گی، فارما کمپنی پنجاب حکومت کو 15 لاکھ ٹیٹنس ڈوز 27 مئی کو حوالے کرے گی، پنجاب حکومت کو ضلعی ،تحصیل ہسپتالوں سے ڈیمانڈ لسٹ مل چکی ہے، پنجاب حکومت اینٹی ٹیٹنس انجکشن کی ترسیل 27 مئی سے شروع کرے گی۔

(جاری ہے)

ذرائع کا مزید کہنا ہے کہ مقامی فارما کمپنی نے 15 لاکھ اینٹی ٹیٹنس ڈوز بھی تیار کر لی ہیں، فارما کمپنی کے تیارکردہ اینٹی ٹیٹنس انجکشن کے معیار کا ٹیسٹ جاری ہے، کمپنی کے تیارکردہ اینٹی ٹیٹنس انجکشن 15 روز میں دستیاب ہوں گے، کمپنی 15 لاکھ اینٹی ٹیٹنس انجکشنز مقامی مارکیٹ کو فراہم کرے گی، فارما کمپنی رواں سال 37 لاکھ اینٹی ٹیٹنس ڈوز پروڈکشن کر چکی ہے، کمپنی نے لوکل اینٹی ٹیٹنس ڈوز مقامی مارکیٹ کو فراہم کی تھی، کمپنی نے مختلف شہروں کو اینٹی ٹیٹنس انجکشن ڈیلیور کئے تھے۔