بحر عرب میں نشانہ بنایا جانے والا بحری جہاز اسرائیلی ہے ،برطانوی وزارت دفاع

واقعہ جس جگہ پیش آیا وہ عمان کے دارالحکومت مسقط سے 300 کلو میٹر جنوب مشرق میں ہے،بیان

جمعہ 30 جولائی 2021 17:48

بحر عرب میں نشانہ بنایا جانے والا بحری جہاز اسرائیلی ہے ،برطانوی وزارت ..

لندن(اُردو پوائنٹ اخبارتازہ ترین - این این آئی۔ 30 جولائی2021ء) برطانیہ کی وزارت دفاع نے کہاہے کہ بحرِ عرب میں جس بحری جہاز کو نشانہ بنایا گیا وہ ایک اسرائیلی تجارتی جہاز ہے۔ میڈیارپورٹس کے مطابق جمعے کے روز جاری ایک مختصر بیان میں کہا گیا ہے کہ اس سلسلے میں تحقیقات ہو رہی ہیں۔

(جاری ہے)

اس سے قبل ایک برطانوی عسکری گروپ نے بتایا تھا کہ بحر عرب میں عمان کے ساحل کے نزدیک ایک بحری جہاز کو حملے کا نشانہ بنایا گیا۔

برطانیہ میں سمندری تجارت کے آپریشنز کی جانب سے جاری بیان میں کہا گیا کہ یہ واقعہ جمعرات کی شب سلطنتِ عمان کے جزیرے مصیرہ کے شمال مشرق میں پیش آیا۔واقعہ جس جگہ پیش آیا وہ عمان کے دارالحکومت مسقط سے 300 کلو میٹر جنوب مشرق میں ہے۔مشرق وسطی میں سیکورٹی گشت انجام دینے والے امریکی بحریہ کے 'فِفتھ فِلِیٹ" کی جانب سے اس واقعے پر کوئی تبصرہ نہیں کیا گیا۔