جلال آباد، طالبان کی گاڑی دھماکے سے اڑا دی گئی، 8 افراد ہلاک

ہفتہ 25 ستمبر 2021 16:12

جلال آباد (اُردو پوائنٹ اخبارتازہ ترین - این این آئی۔ 25 ستمبر2021ء) افغانستان کے صوبہ ننگرہار کے شہر جلال آباد میں بم دھماکے میں 8 افراد ہلاک ہو گئے۔افغان میڈیا کے مطابق جلال آباد میں سڑک کنارے نصب بم سے طالبان کی گاڑی کو نشانہ بنایاگیا۔

(جاری ہے)

دھماکے میں 6 افراد زخمی ہو گئے جنہیں مقامی ہسپتال منتقل کر دیا گیا جلال آباد میں چند روز قبل بھی طالبان کی گاڑی کو نشانہ بنایا گیا تھا جس میں 3 افراد ہلاک اور متعدد زخمی ہو گئے تھے۔گزشتہ دنوں جلال آباد کی چیک پوسٹ پربھی حملہ کیا گیا تھا جس میں تین افراد ہلاک ہو گئے تھے۔