پی آئی اے کے عملے کی دیانتداری فرض شناسی ، پندرہ لاکھ روپے مسافر کو واپس کر دیئے

مسافر کا 9ہزار سے زاید امریکی کرنسی ، پاسپورٹ اور دستاویزات واپس ملنے پر خوشی کا اظہار

اتوار 26 ستمبر 2021 17:20

پی آئی اے کے عملے کی دیانتداری فرض شناسی ، پندرہ لاکھ روپے مسافر کو ..

اسلام آباد (اُردو پوائنٹ اخبارتازہ ترین - این این آئی۔ 26 ستمبر2021ء) جناح انٹرنیشنل ائیرپورٹ پر پی آئی اے کے عملے کی دیانتداری فرض شناسی کی مثال قائم کردی ،پی آئی اے عملے نے کراچی آنے والے مسافر کو 15 لاکھ روپے زائد مالیت کے 9 ہزار 200امریکی ڈالر کی رقم واپس کردی،مسافر پی آئی اے کی پرواز PK369 کے زریعے اسلام آباد سے کراچی ایئرپورٹ پہنچا تھا ،مسافر جلد بازی میں اپنا قیمتی سامان سے بھرا بیگ جہاز میں ہی بھول گیا ، یاد آنے پر مسافر نے فوری پی آئی اے حکام کو بیگ بھول جانے سے متعلق آگاہی دی،مسافر کے بیگ میں غیر ملکی کرنسی سمیت پاسپورٹ سمیت اور اہم قیمتی سامان تھا،پی آئی اے کے عملے نے فوری تلاش شروع کی اور مسافر کا بیگ اور قیمتی سامان لوٹا دیا ،مسافر اسلام آباد سے پی آئی اے کی پرواز PK369 سے کراچی پہنچا ،مسافر نے 9ہزار سے زاید امریکی کرنسی ، پاسپورٹ اور دستاویزات واپس ملنے پر خوشی کا اظہار کرتے ہوئے کہاکہ پی آئی اے کے عملے اور انتظامیہ نے زبردست سروس دی، کراچی ایئرپورٹ پر تعینات پی آئی اے عملے کو جیسے بیگ کھونے کی اطلاع دی بیگ کی تلاش شروع کی، سی ای او پی آئی اے ایرمارشل ارشد ملک نے پی آئی اے عملے کو ایمانداری پر شاباشی دی