مائیکروسافٹ کی وارث جینیفرگیٹس کی مصری نایل نصر سے اسلامی انداز میں شادی، تقریب پر20 لاکھ ڈالرخرچ

پیر 18 اکتوبر 2021 14:32

نیویارک(اُردو پوائنٹ اخبارتازہ ترین - این این آئی۔ 18 اکتوبر2021ء) مائیکروسافٹ کی وارث اوربل گیٹس کی سب سے بڑی بیٹی جینیفرگیٹس نے مصرکے گھڑسوار نایل نصر سے اسلامی انداز میں ایک خفیہ تقریب میں شادی کرلی ہے۔

(جاری ہے)

ان کی شادی کی تقریب نیویارک میں مسلم انداز میں منعقد ہوئی ہے اوراس پر 20 لاکھ ڈالرخرچ آیا ہے۔میڈیارپورٹس کے مطابق حکام نے نیویارک کے نواح میں اس شادی کی تقریب کے لیے دیہی علاقے کی سڑکیں بند کردیں اورسیکڑوں مہمانوں کو تقریب گاہ فارم تک ایس یووی گاڑیوں میں لے جاتے دیکھا گیا ہے۔دلھن جینیفر کا ایک کروڑ60 لاکھ ڈالر مالیت کاگھوڑوں کا یہ فارم ویسٹ چیسٹر میں واقع ہے۔