سینیٹر مشاہد حسین سے آذر بائیجان کے سفیر کی ملاقات ،دووطرفہ تعلقات سمیت مختلف امورپر تبادلہ خیال

جمعہ 22 اکتوبر 2021 15:06

اسلام آباد(اُردو پوائنٹ اخبارتازہ ترین - این این آئی۔ 22 اکتوبر2021ء) پاکستان مسلم لیگ (ن) کے سینیٹر مشاہد حسین سید سے آذربائیجان کے سفیر خضر فرہادوف نے ملاقات کی جس میں دووطرفہ تعلقات سمیت مختلف امورپر تبادلہ خیال کیا گیا ۔ جمعہ کو آذربائیجان کے سفیر نے سینیٹر مشاہد حسین سید سے پارلیمنٹ ہائوس میں ملاقات کی مشاہد حسین سید نے آذربائیجان کے سفیر سے گفتگو کرتے ہوئے کہاکہ آذربائیجان ایک عظیم و مظبوط ملک ہے۔

(جاری ہے)

مشاہد حسین سید نے کہاکہ آذربائیجان ہمارا دوست اور برادر ملک ہے،پاکستان دوسرا ملک تھا جس نے آذربائیجان کو تسلیم کیا۔انہوںنے کہاکہ دونوں ممالک کے مابین گہرے دوستانہ تعلقات ہیں،پاکستان نے ہمیشہ آزربائیجان کی کھل کر حمایت کی ہے۔ انہوںنے کہاکہ بطور چیئر مین ڈیفنس و خارجہ کمیٹی میں نے آذربائیجان کی حمایت میں پارلیمان سے قراردادیں منظور کرائی۔آذربائیجان کے سفیر نے دونوں ملکوں کے مابین تعلقات کو مزید مستحکم کرنے کے عزم کا اظہار کیا۔