سرگودھا،ساتویں جماعت کی طالبہ سے رکشہ ڈرائیور کی ساتھی سمیت زیادتی، ویڈیو بنا کر بلیک میل کرتا رہا

طبیعت خراب ہونے پر طالبہ نے بھائی کو آگاہ کردیا،ملزمان کے خلاف مقدمہ درج ،ایک ملزم گرفتار

ہفتہ 23 اکتوبر 2021 14:10

سرگودھا(اُردو پوائنٹ اخبارتازہ ترین - این این آئی۔ 23 اکتوبر2021ء) ساتویں جماعت کی طالبہ کو رکشہ ڈرائیور نے ساتھی کے ہمراہ زیادتی کا نشانہ بنا کر ویڈیو کے زریعے بلیک میل کر کے کئی بار اپنی ہوس کا نشانہ بنا ڈالا جس کے باعث طبیعت ناز ساز ہونے پر طالبہ نے بھائی کو واقعہ سے آگاہ کرتے ہوئے ملزمان کے خلاف مقدمہ درج کروا دیا جس پر پولیس ایک ملزم کو گرفتار کر کے ساتھی کی تلاش میں مصروف تفتیش ہے۔

زرائع کے مطابق چوآسیدان شاہ کے علاقہ محلہ ڈھیری سے بھنڈر کا رکشہ ڈرائیور عادل مختار ساتویں جماعت کی طالبہ (ع )کو گھر سے گورنمنٹ گرلز سکول اور سکول سے گھر لانے پر معمور تھا کہ دو ماہ قبل رکشہ ڈرائیور طالبہ کو سکول سے گھر لانے کی بجائے رکشہ میں سوار کر کے جنگل میں لے گیا۔

(جاری ہے)

جہاں اس کا ساتھی فیصل اور عرف پہلے سے موجود تھا جنہوں نے طالبہ کو ڈرا دھمکایا اور اپنی ہوس کا نشانہ بنا ڈالا جس کی ویڈیو بنا کر بلیک میل کرتے ہوئے رکشہ ڈرائیور نے طالبہ کو کئی بار اپنی ہوس کا نشانہ بنا ڈالا۔

جس کے باعث طالبہ کی طبعیت ناساز رہنے لگی تو نے اپنے بھائی تنویر کو واقعہ سے آگاہ کردیا اور تھانہ میں پولیس کو اپنا بیان دیتے ہوئے ملزمان کے واقعہ کا مقدمہ درج کروا دیا جس پر پولیس نے مقدمہ میں ملوث ایک ملزم کو گرفتارکرکے ساتھی ملزم کی تلاش میں چھاپے مارے اور تاحال مصروف تفتیش ہے۔