پنجاب میں مسلم لیگ ق کو فعال بنانے اور سیاسی سرگرمیوں کو تیز کرنے کے تقرر اور ملاقاتوں کا سلسلہ شروع کر دیا گیا

جمعہ 5 نومبر 2021 12:34

سرگودھا(اُردو پوائنٹ اخبارتازہ ترین - این این آئی۔ 05 نومبر2021ء) پنجاب میں مسلم لیگ ق کو فعال بنانے اور سیاسی سرگرمیوں کو تیز کرنے کے تقرر اور ملاقاتوں کا سلسلہ شروع کر دیا گیا سرگودھا میں رکن اسمبلی کی خاتون شخصیت سے ملاقات اور خوشاب میں شعبہ خواتین کو فعال بنا دیا گیا۔

(جاری ہے)

زرائع کے مطابق سرگودھا میں مسلم لیگ ق کے رکن قومی اسمبلی چوہدری عامر سلطان چیمہ نے شہر کی اہم خاتون شخصیت سابق رکن پنجاب اسمبلی ڈاکٹر نادیہ عزیز سے ملاقات کی اور سیاسی امور پر تبادلہ خیال کیا جس کے بعد سیاسی حلقوں میں چہ میگوئیاں جاری ہیں کہ سابق ایم پی اے ڈاکٹر نادیہ عزیزسرگودھا شہر کے حلقہ این اے 90 سے قومی اسمبلی کی متوقع امیدوار اور مسلم لیگ ق کی ٹکٹ ہولڈر ہو سکتی ہیں۔

جبکہ ریجن کے ضلع خوشاب میں مسلم لیگ ق کو متحرک اور فعال بنانے کے لئے شازیہ کوثر کو مسلم لیگ ق شعبہ خواتین ونگ کی ضلعی صدر اور نسیم اختر کو ضلعی جنرل سیکرٹری مقرر کردیا گیا۔جن کو سینیٹر کامل علی آغا اور صوبائی صدر مسلم لیگ ق شعبہ خواتین خدیجہ فاروقی نے باقاعدہ نوٹیفکیشن جاری کیا۔