جیکب آباد: ہندوستان سے شادی کرنے والے جوڑے کا 41سال بعدجیکب آباد میں دعوت ولیمہ
تقریب میں بیٹوں، بیٹیوں، پوتے، پوتیوں اور نواسیوں سمیت عزیز و اقارب و اہل محلہ کی شرکت
منگل 23 نومبر 2021 22:54
(جاری ہے)
تفصیلات کے مطابق جیکب آباد شہر کے دستگیر کالونی محلہ سے تعلق رکھنے والے محمد مفید پٹھان نے 41سال قبل 1980ء میں پاکستان سے ہندوستان جاکراتر پردیش ریاست کے علاقے دہلی کے ضلع فروخ آباد کی تحصیل قائم گنج سے تعلق رکھنے والی اپنی کزن سے شادی کی،نکاح اور رخصتی کے بعد وہ اپنی دلہن کو لیکر پاکستان پہنچا لیکن ان کے ولیمے کی دعوت اس وقت نہیں ہوسکی تھی، گذشتہ روز شادی کے 41سال بعد محمد مفید پٹھان کی دعوت ولیمہ کی تقریب جیکب آباد کے دستگیر کالونی محلہ میں منعقد کی گئی جس میں ان کے چار بیٹوں، چار بیٹیوں سمیت ان کے پوتوں ، پوتیوں اور نواسیوں سمیت بڑی تعداد میں کراچی، حیدرآباد، سکھر سمیت دیگر علاقوں سے عزیز واقارب و اہل محلہ نے شرکت کی، دعوت ولیمہ کی تقریب کے دوران 41سال قبل شادی کرنے والے جوڑے کو دولہا اور دلہن کی طرح تیار کیا گیا، تقریب میں جوڑے کے پوتے پوتیوں اور بیٹوں سے ڈھول پر رقص بھی کیا اور جوڑے کو 7فٹ لمبا پیسوں کا ہار بھی پہنایا، اس موقع پر محمد مفید پٹھان کے بیٹے محمد رئیس پٹھان نے میڈیا سے گفتگو کرتے ہوئے بتایا کہ ہمارے والدین کی شادی 41سال قبل ہندوستان میں ہوئی تھی لیکن ان کا ولیمہ نہیں ہوا تھا اس لیے ہم نے اپنے والدین کا ولیمے کا پروگرام رکھا کیوں کہ 41سال قبل جو رسم ادا نہیں ہوئی اب اس کو ادا کیا جائے جو سنت رسول ﷺ بھی ہے، انہوں نے کہا کہ ہم نے اپنے والد اور والدہ کو دولہا دلہن کی طرح تیار کیا اور ان کی خوشیوں میں شامل ہوئے، 41سال قبل شادی کرنے والے محمد مفید پٹھان نے میڈیا سے گفتگو کرتے ہوئے کہا کہ میرے لیے خوشی کا موقع ہے میرے بچوں نے میرے ولیمے کا پروگرام رکھا اور ایک بار پھر مجھے دولہا بنایا ، انہوں نے کہا کہ میرے لیے اس سے بڑی خوشی کیا ہوگی کہ میرے ولیمے میں میرے بیٹے، بیٹاں، پوتے ، پوتیاں اور نواسیاں بھی شامل ہوئی، اپنی خوشی کا ذکر کرتے ہوئے محمد مفید پٹھان کی آنکھوں میں آنسو آگئے، ادھر اس انوکھی تقریب کے انعقاد پر محلے بھر میں خوشی کا سماء تھااور لوگوں نے محمد مفید پٹھان کو پھولوں کے ہار پہنا کر مبارکباد دیں۔
مزید قومی خبریں
-
وزارت مذہبی امور کے زیر انتظام 39 واں سالانہ مقابلہ حفظ قرآن و حسن قرأت شروع
-
لیسکو کی بجلی چوروں کے خلاف کارروائی ،4 بجلی چور گرفتار
-
10کلو آٹے کی قیمت میں 500سے 600روپے تک کی کمی ریکارڈ ہوئی ہے‘وزیر خوراک پنجاب
-
لاہور میں کم عمر گھریلو ملازمہ سے متعدد بار زیادتی، ملزم گرفتار
-
وزارت مذہبی امور نے پرائیویٹ حج سکیم کے عازمین کی بکنگ کا ڈیٹا ’’پاک حج ‘‘موبائل ایپ پر لوڈ کردیا
-
روٹی کی نئی قیمتوں کیخلاف درخواست، ڈی سی اسلام آباد و ایڈووکیٹ جنرل طلب
-
نائب وزیراعظم اور وزیر خارجہ سینیٹر اسحاق ڈار سے ازبک وزیر خارجہ بختیار سیدوف کی ملاقات
-
مانسہرہ پولیس کی کارروائی ، دو منشیات فروش گرفتار
-
’’یوم تکبیر ‘‘ 28مئی کو جوش و خروش اور ملی جذبہ کے ساتھ منایاجائے گا
-
وزیر اعلیٰ مریم نواز کی زیر صدارت پلاننگ اینڈ ڈویلپمنٹ بورڈ آفس میں پانچ گھنٹے طویل اجلاس، 33 سپیشل پراجیکٹس پر پیشرفت کا جائزہ
-
وزیراعلیٰ مریم نوازکی زیر صدارت اجلاس، 33 سپیشل پراجیکٹس پر پیشرفت کا جائزہ
-
سابق گورنرعمرسرفرازچیمہ کے جسمانی ریمانڈ میں توسیع نہ کرنے کے خلاف کیس میں سماعت ملتوی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.