جیکب آباد: پولیس کے خلاف محنت کش کا احتجاج

ملزمان کی نشاندہی کے باوجود مسروقہ موبائل فون9ماہ سے پولیس نے برآمد نہیں کرایا ڈیڑہ ماہ موٹر سائیکل بھی چوری ہوئی :نظیر احمد

منگل 30 نومبر 2021 21:20

جیکب آباد(اُردو پوائنٹ اخبارتازہ ترین - آن لائن۔ 30 نومبر2021ء) جیکب آباد پولیس کے خلاف محنت کش کا احتجاج،ملزمان کی نشاندہی کے باوجود مسروقہ موبائل فون9ماہ سے پولیس نے برآمد نہیں کرایا ڈیڑہ ماہ موٹر سائیکل بھی چوری ہوئی :نظیر احمد تفصیلات کے مطابق جیکب آباد کی سٹی پولیس کے خلاف محنت کش نظیر احمد ابڑو نے ایوان صحافت کے سامنے احتجاج کرتے ہوئے کہا کہ نو ماہ قبل موبائل فون چوری ہوئی ملزمان کی نشاندہی بھی ہوگئی ہے لیکن پولیس مسروقہ موبائل فون برآمد کر سکی ہے نہ ہی ملزم کو گرفتار کیا جا رہا ہے ڈیڑھ ما ہ قبل موٹر سائیکل بھی چوری ہو گئی جس کی تھانے پر رپورٹ بھی در کرائی ہے لیکن پولیس ٹال مٹول سے کام لے رہی ہے ایس ایس پی کو بھی شکایت کی لیکن کوئی ازالہ نہیں ہوا ،جبکہ خیرپور پولیس نے مسلح افراد کی جانب سے جے یو آی رہنما ڈاکٹر اے جی انصاری کی چھینی گئی کار ڈیڑ ھ ماہ کے اندر برآمد کرکے ملزمان بھی گرفتار کئے لیکن جیکب آباد کی پولیس شہریوں کا تحفظ نہیں کر سکی ہے محنت کش نظیر احمد نے آئی جی سندھ پولیس اور ڈی آئی جی سے نوٹس لینے کا مطالبہ کیا ہے ۔