گلوکارہ لتا منگیشکرکی طبیعت پہلے سے بہتر ہے، بھارتی وزیر صحت

گلوکارہ لتا منگیشکرتاحال ممبئی کے بریچ کینڈی اسپتال کے آئی سی یو میں داخل ہیں،راجیش توپ

پیر 17 جنوری 2022 15:50

ممبئی(اُردو پوائنٹ اخبارتازہ ترین - این این آئی۔ 17 جنوری2022ء) بھارت کی ریاست مہاراشٹر کے وزیر صحت نے لیجنڈری گلوکارہ لتا منگیشکر کی صحت سے متعلق میڈیا کو آگاہ کیا ہے۔

(جاری ہے)

بھارتی میڈیا کے مطابق ریاست مہاراشٹر وزیر صحت راجیش توپ کا کہنا تھاکہ گلوکارہ لتا منگیشکرکی طبیعت اب پہلے سے بہتر ہے لیکن تاحال وہ ممبئی کے بریچ کینڈی اسپتال کے آئی سی یو میں داخل ہیں۔ وزیر صحت کا کہنا تھا کہ انہوں نے بریچ کینڈی اسپتال کے حکام سے بات کی ہے اور حکام نے انہیں گلوکارہ کی صحت کے بارے میں تازہ ترین صورتحال سے آگاہ کیا ہے۔ انہوں نے اسپتال کے ترجمان سے کہا کہ گلوکارہ کی صحت کے بارے میں آگاہ کریں کیونکہ مداح ان کی صحت کے بارے میں جاننے کے لیے بے چین ہیں۔