پنجاب میں پختہ اور عارضی تجاوزات کے خلاف حکومت کا سخت اقدامات کا اعلان ،گورنر نے آرڈیننس پر دستخط کر دئیے

آرڈننس کے تحت تجاوزات کرنے والے کیخلاف متعلقہ آفیسر مقررہ مدت میں فیصلہ کرنے کا پابند ہوگا ،ڈویژنل کمشنرز کو سول جج کے اختیارات تفویض تجاوزات کرنیوالے شخص کو جرمانہ یا سزا کا فیصلہ متعلقہ کمشنر کرنے کا اہل ہوگا ،بورڈ آف ریونیو کیسز ایک کمشنر سے دوسرے کے سپرد کرنے کا اہل ہوگا

جمعہ 21 جنوری 2022 23:36

پنجاب میں پختہ اور عارضی تجاوزات کے خلاف حکومت کا سخت اقدامات کا اعلان ..

لاہور(اُردو پوائنٹ اخبارتازہ ترین - این این آئی۔ 21 جنوری2022ء) گور نر پنجاب چوہدری محمدسرور نے پنجاب اموویبل پبلک پراپرٹی آرڈیننس 2022 پر دستخط کر دیئے جبکہ صوبائی محکمہ بلدیات نے اموویبل پبلک پراپرٹی آرڈیننس 2022 کا گزٹ نوٹیفیکیشن بھی جاری کردیا۔

(جاری ہے)

تفصیلات کے مطابق گور نر پنجاب چوہدری محمدسرور نے پنجاب اموویبل پبلک پراپرٹی آرڈیننس 2022 پر دستخط کر دیئے جبکہ اس حوالے سے گور نر چوہدری محمدسرور نے بتایا کہ آرڈننس کے تحت تجاوزات کرنے والے کیخلاف متعلقہ آفیسر مقررہ مدت میں فیصلہ کرنے کا پابند ہوگا آر ڈننس کے تحت ڈویژنل کمشنرز کو سول جج کے اختیارات بھی تفویض کر دیئے ہیں ،تجاوزات کرنے والے شخص کو جرمانہ یا سزا کا فیصلہ متعلقہ کمشنر کرنے کا اہل ہوگا ،بورڈ آف ریونیو تجاوزات کے کیسز کو ایک کمشنر سے دوسرے کے سپرد کرنے کا اہل ہوگا۔

تجاوزات کرنے والے کو دو مرتبہ سات روز کا نوٹس دیا جائے گا چودہ روز میں متعلقہ آفیسر کے روبرو پیش نہ ہونے کی صورت میں کارروائی ہوگی صوبہ بھر میں متعلقہ انتظامیہ خصوصی سکواڈذبنانے کی اہل ہوگی تجاوزات کرنے والے کیخلاف متعلقہ آفیسر مقررہ مدت میں فیصلہ کرنے کا پابند ہوگا۔