سعودی حکا م کی روضہ رسول ﷺ میں نماز کے اجازت نامے پر اہم وضاحت

کوئی شخص روضہ شریف میں نماز کے اجازت نامے میں ترمیم کروانا چاہتا تو اعتمرنا ایپ پر اس کی گنجائش نہیں،بیان

جمعرات 27 جنوری 2022 12:50

سعودی حکا م کی روضہ رسول ﷺ میں نماز کے اجازت نامے پر اہم وضاحت

ریاض (اُردو پوائنٹ اخبارتازہ ترین - این این آئی۔ 27 جنوری2022ء) سعودی وزارت حج و عمرہ نے روضہ رسول ﷺ میں ادائیگی نماز کے اجازت نامے سے متعلق اہم وضاحت کر دی۔وزارت سے پوچھا گیا تھا کہ کوئی شخص نماز کے اجازت نامے میں ترمیم کروا سکتا ہی جس پر وزارت حج و عمرہ نے تسلی بخش جواب دیا ہے۔وزارت نے واضح کیا ہے کہ اگر کوئی شخص روضہ شریف میں نماز کے اجازت نامے میں ترمیم کروانا چاہتا ہے تو اعتمرنا ایپ پر اس کی کوئی گنجائش نہیں۔

(جاری ہے)

البتہ نماز کا وقت شروع ہونے سے 4 گھنٹے قبل اجازت نامہ منسوخ کروا کر نیا اجازت نامہ حاصل کیا جاسکتا ہے اور نیا اجازت نامہ پرانا اجازت نامہ کا وقت گزرنے کے بعد ہی جاری کیا جائے گا۔میڈیارپورغص کے مطابق زائرین ایپس سے مسجد نبوی میں زیارت کے اجازت نامے جاری کرا سکتے ہیں ، سہولت بیرون ممالک سے پہنچنے والے زائرین کے لیے ہے۔حکام نے بتایا بیرون ملک سے آئے زائرین قدوم پلیٹ فارم میں اندراج کراسکتے ہیں ، مملکت پہنچنے کے بعد اعتمرنا اور توکلنا ایپس سے اجازت نامے حاصل کیے جاسکتے ہیں۔سعودی وزارت حج و عمرہ کے مطابق اجازت نامے ویکسی نیشن کے بعد ہی حاصل کیے جاسکتے ہیں