جرمنی نے منکی پاکس سے بچائو کے لیے ویکسین کی 40 ہزار خوراکیں منگوا لیں

اسلام آباد (اُردو پوائنٹ اخبارتازہ ترین - اے پی پی۔ 25 مئی2022ء) جرمنی نے منکی پاکس سے بچائو کے لیے احتیاطی اقدامات کے طورباویرین نورڈک ویکسین کی 40 ہزار خوراکیں منگوانے کا آرڈر دیدیا ہے اور ادارہ صحت کو منکی پاکس سے متاثرہ افراد سے رابطے اور کسی بھی ممکنہ صورتحال سے نمٹنے کے لیے تیار رہنے کا حکم دیا ہے ۔ایک پریس کانفرنس سے خطاب کرتے ہوئے، جرمنی کے وزیر صحت کارل لاؤٹرباخ نےکہا ہے کہ متاثرہ افراد کے لیے کم از کم 21 دن کی تنہائی کی مدت جیسے اقدامات ہی اس وبا پر قابو پانے کے لیے کافی ہوں گے۔

اگر انفیکشن مزید پھیلتا ہے تو ہم کو ممکنہ حفاظتی ٹیکے لگانے کے لیے تیار رہنا چاہیں گے جن کی ابھی تک سفارش نہیں کی گئی ہے لیکن یہ ضروری ہو سکتا ہے۔انہوں نے کہا کہ منکی پاکس کے پھیلنے پر قابو پایا جا سکتا ہے اور یہ کسی نئی وبا کے آغاز کا اشارہ نہیں ہے، انہوں نے مزید کہا کہ ابتدائی مداخلت اس بیماری کو کمیونٹیز میں پھیلنے سے روک سکتی ہے۔

(جاری ہے)

جرمنی کے رابرٹ کوچ انسٹی ٹیوٹ برائے متعدی امراض کے سربراہ لوتھر ویلر نے بھی پریس کانفرنس سے خطاب کرتے ہوئے کہا کہ اب تک جرمنی میں منکی پاکس کے پانچ کیسز رجسٹر کیے گئے ہیں، اس وباء کو قابو رکھنے کے لیے بڑے پیمانے پر ٹیکے لگانے کی ضرورت نہیں ہے کیونکہ حفظان صحت اور محفوظ جنسی رویے جیسے اقدامات سے اس پھیلاؤ کو کنٹرول کرنے میں مدد ملے گی۔

ڈبلیو ایچ او نے 250 سے زیادہ تصدیق شدہ اور مشتبہ منکی پاکس انفیکشنز رجسٹر کیے ہیں۔امریکی صحت کے حکام نے اس ہفتے کہا کہ قومی ذخیرے میں باویرین نورڈک ویکسین کی 1,000 سے زیادہ خوراکیں موجود ہیں اور وہ توقع کرتے ہیں کہ آنے والے ہفتوں میں اس سطح میں بہت تیزی سے اضافہ ہو گا۔ڈنمارک کی کمپنی نے گزشتہ ہفتے کہا تھا کہ اس نے مونکی پوکس کے نئے کیسز کے جواب میں ’اِموانکس‘ویکسین کی فراہمی کے لیے ایک یورپی ملک کے ساتھ معاہدہ کیا ہے تاہم انہوں نے ملک کا نام نہیں بتایا۔