پاکستان کی انسانی سوداگری سے نمٹنے کی صلاحیت میں نمایاں بہتری آئی ،عالمی فہرست میں دوسرے درجے پرآ گیا ہے، امریکی محکمہ خارجہ کی رپورٹ
جمعرات 21 جولائی 2022 17:15
(جاری ہے)
پچھلے کئی سالوں سے جاری امریکی TIP رپورٹس میں بھی اس بات کی نشاندہی کی گئی ہے کہ اندرونی سوداگری، خاص طور پر جبری مشقت، پاکستان کے لیے ایک حقیقی چیلنج ہے اور اسی وجہ سے امریکی محکمہ خارجہ کے دفتر برائے انسانی سوداگری کی نگرانی اور انسداد نے پاکستان کو 2020 میں "ٹیئر 2 واچ لسٹ" میں رکھا ہے اور اس بات پر بھی روشنی ڈالی ہے کہ اگر اقدامات نہ کیے گئے اور فراہم کردہ سفارشات پر عمل نہ کیا گیا تو ملک "ٹیئر 3" پر آ سکتا ہے۔
تاہم حکومت پاکستان نے اس معاملے کو سنجیدگی سے لیا اور بہترکوششیں کیں جس کی وجہ سے 19 جولائی 2022 کو شائع ہونے والی امریکی محکمہ خارجہ کے دفتر برائے انسانی سوداگری کی نگرانی اور روک تھام کی رپورٹ کے مطابق "ٹیئر 2" کی طرف پیشرفت ہوئی۔رپورٹ اس بات کی عکاسی کرتی ہے کہ کس طرح حکومت نے گزشتہ رپورٹنگ کی مدت کے مقابلے میں مجموعی طور بہتر کوششوں کا مظاہرہ کیا، اس کی ؛ لہٰذاپاکستان کو ٹیئر 2 میں اپ گریڈ کر دیا گیا ہے۔ ان کوششوں میں 2018 پرسنشن آف ٹریفکنگ ان پرسنز ایکٹ (PTPA)کے تحت تفتیش، استغاثہ اور سزاؤں میں اضافہ شامل ہے۔ حکومت نے نہ صرف زیادہ متاثرین کو تحفظ کی خدمات کے لیے ریفر کیا بلکہ حکومت کے صوبائی محکموں نے متاثرین کی شناخت اور حوالہ دینے کے حوالے سے معیاری آپریٹنگ طریقہ کار کے نفاذ میں اضافہ کیا اور مزید اسٹیک ہولڈرز کو تربیت دی۔ حکومت نے نیشنل ایکشن پلان پر عمل درآمد کے لیے وسائل مختص کیے اور PTPA میں ترمیم کی تاکہ ان دفعات کو ختم کیا جا سکے جو خواتین اور بچوں کے ساتھ جنسی اسمگلنگ کے جرائم کے لیے قید کے بدلے جرمانے کی اجازت دیتے تھے۔ ایگزیکٹو ڈائریکٹر ایس ایس ڈی ا و سید کوثر عباس نے کہا کہ مختلف سطحوں پر حکومت کے ساتھ اور قانون نافذ کرنے والے اداروں اور دیگر سمیت مختلف محکموں کے ساتھ تعاون کرکے اس مقصد میں حصہ ڈالنے اور اس عمل کا حصہ بننے پر فخر محسوس کرتی ہے۔ انہو ں نے کہا کہ معاشرے اور مجموعی طور پر ملک کے لیے ہمارے تعاون میں اضافہ کرتے ہوئے، پائیدار سماجی ترقی کی تنظیم نے حال ہی میں ایک ہیلپ لائن "0333-1110566" شروع کی ہے جو کہ ملکی سطح پر اس مسئلے کا مقابلہ کرنے کیلئے ایک اہم قدم ہے اور ساتھ ہی عام لوگوں سمیت تمام سٹیک ہولڈرز کے لیے معلومات کا ذریعہ ہے۔ یہ ہیلپ لائن ممکنہ متاثرین خاص طور پر ان کمیونٹیز کو ایک پلیٹ فارم فراہم کرے گی جن میں مجموعی طور پر انسانی سوداگری کا تناسب بہت زیادہ ہے ان میں پاکستان میں اینٹوں کے بھٹے اور زرعی فارمز وغیرہ شامل ہیں۔ متاثرین یا ان کے لواحقین کو مفت قانونی معاونت فراہم کی جائے ماہر وکلائ کی ٹیم ان کی شکایت پر مزید کارروائی کرے گی ۔ کام کے دنوں میں صبح 9.00 بجے سے شام 6.00 بجے تک ہیلپ لائن تک مفت رسائی حاصل کی جا سکتی ہے۔ان کا کہنا تھا کہ SSDO اس گھناؤنے جرم کے بارے میں عوام میں بیداری پیدا کرنے اور حکومت، میڈیا، تعلیمی اداروں اور دیگر تمام اسٹیک ہولڈرز کو ایک پلیٹ فارم پر لانے کے لیے پروجیکٹ چلا رہا ہے اور اس مسئلے کو اٹھانے اور اس پر قابو پانے کے لیے اسٹیک ہولڈر ورکنگ گروپس تشکیل دے کر اور تمام گروپوں اور دیگر اسٹیک ہولڈرز کے لیے صلاحیت سازی کے سیشنز کا اہتمام کررہا ہے تاکہ اس مسئلے کو روکنے میں سب اپنا کردار ادا کریں اور آگاہی کے فروغ کو یقینی بنایا جا سکے۔انہو ں نے اس سلسلے میں حکومتی اقدمات کو بھی خراج تحسین پیش کیا۔متعلقہ عنوان :
مزید قومی خبریں
-
وزیرمواصلات عبدالعلیم خان کا سمبڑیال کھاریاں موٹروے کا فضائی دورہ
-
9 مئی واقعات کی شفاف تحقیقات کے بغیرملک آگے نہیں بڑھ سکتا ، زرتاج گل
-
کلر کہار، ڈرائیور اپنے کی ٹریکٹر کی زد میں آ کر جاں بحق
-
9 مئی: عمرسرفرازچیمہ کی درخواست ضمانت پرسرکاری وکیل سے دلائل طلب
-
9 مئی : ڈاکٹر یاسمین راشد کی ضمانت کی درخواستوں پر پراسیکیوشن کو کل تک مہلت
-
ٹرانسپورٹرز کے جائز مسائل حل کئے جائیں گے ،انسداد سمگلنگ کارروائی جاری رہے گی ،میرسرفرا زبگٹی
-
گورننس کی بہتری کیلئے اقدامات اٹھا ئے جا رہے ہیں ،سول سروسز کے تمام گروپس کو ساتھ دینا ہوگا،وزیر اعلی بلوچستان
-
ہرچیز کیلئے اسٹیبلشمنٹ کی طرف دیکھنا بانی پی ٹی آئی کی خامی ہے، مصطفی نواز کھوکھر
-
گورنرسندھ کے ہمراہ اٹلی کی سفیرکا قائد روم ، آئی ٹی مارکی ، طاقتور پاکستان کے تحت راشن بیگزاور امید کی گھنٹی کا دورہ
-
گورنرسندھ کامران خان ٹیسوری نے اپنے صاحبزادے کو پولیو سے بچائو کے قطرے پلائے
-
پی ٹی اے کی سمز بلاک کرنے کی مخالفت :دیگر آپشنز تجویز کر دیئے
-
تعلیم کے بغیر کوئی معاشرہ ترقی نہیں کر سکتا ؛ رانا سکندرحیات
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.