مسک کی درخواست پرٹوئٹر کے حصول پر قانونی چارہ جوئی معطل

جمعہ 7 اکتوبر 2022 21:26

واشنگٹن (اُردو پوائنٹ اخبارتازہ ترین - آن لائن۔ 07 اکتوبر2022ء) امریکی عدالت نے ٹیسلا کے سی ای او ایلون مسک کی درخواست پر ٹوئٹر کے حصول پر قانونی چارہ جوئی معطل کردی۔

(جاری ہے)

غیر ملکی خبر رساں ادارے کے مطابق عدالت نے فریقین کو 28 اکتوبر تک معاہدے کو حتمی شکل دینے کاحکم دے دیا اور معاہدہ ' نہ ہونے کی صورت میں مقدمے کی سماعت نومبرکے لیے دوبارہ شیڈول کی جاسکتی ہے۔

واضح رہے کہ ایلون مسک کے یوٹرن لینے کے بعد ٹوئٹر ایک بار پھر کمپنی کو 54.20 ڈالرز فی حصص کی قیمت پر فروخت کرنے کے لیے تیار ہے۔کمپنی کی جانب سے جاری ایک بیان میں تصدیق کی گئی کہ اسے ایلون مسک کی جانب سے ایک خط موصول ہوا ہے جس میں سوشل میڈیا نیٹ ورک کی خریداری کا معاہدہ 54.20 ڈالرز فی حصص میں مکمل کرنے کی خواہش کا اظہار کیا گیا ہے۔