نئے نیب آرڈیننس کے بعد کرپشن کیسز میں رعایت کا سلسلہ جاری

ایم پی اے اویس قادر شاہ، ایم سردار چانڈیو، برہان چانڈیو کے خلاف انکوائری واپس متعلقہ اداروں کو بھیجنے کا حکم

جمعہ 7 اکتوبر 2022 22:50

سکھر(اُردو پوائنٹ اخبارتازہ ترین - این این آئی۔ 07 اکتوبر2022ء) نئے نیب آرڈیننس کے بعد کرپشن کیسز میں رعایت کا سلسلہ جاری ہے ۔گزشتہ روز سکھرکی احتساب عدالت نے تین ممبر صوبائی اسمبلی سمیت چار ملزمان کی درخواست ضمانت نمٹا دیں۔

(جاری ہے)

سماعت پر پیپلزپارٹی کے ایم پی اے اویس قادر شاہ، ایم سردار چانڈیو، برہان چانڈیو اور دیگر الگ الگ مقدمات میں عدالت میں پیش ہوئے ،احتساب عدالت نے تینوں ایم پی ایز کے خلاف نیب انکوائری واپس متعلقہ اداروں کو بھیجنے کا حکم دے دیا ۔واضع رہے کہ تینوں ممبر صوبائی اسمبلی پر آمدن سے زائد اثاثہ رکھنے کے الزام میں کیس زیر سماعت تھے اور درخواست ضمانت نمٹا دینے کے بعد تینوں ایم پی ایز کو نیب سے بڑی رعایت مل گئی۔