عمران خان نے کچھ نہیں کرنا، جس صوبے کی اسمبلی توڑیں گے وہاں انتخابات کرا دینگے‘ اعظم نذیرتارڑ

عمران خان پونے چار سال وزیر اعظم رہے ،کبھی اپوزیشن لیڈر سے بات نہیں کی،آئینی تقرریوںپر مشاورت نہیں کی عمران خان نے کہا ہے ڈائیلاگ کرنے کو تیار ہوں، یہ وہ رویہ ہے جو ایک سیاست دان کا ہونا چاہیے‘ وفاقی وزیر قانون

ہفتہ 3 دسمبر 2022 13:36

عمران خان نے کچھ نہیں کرنا، جس صوبے کی اسمبلی توڑیں گے وہاں انتخابات ..

لاہور(اُردو پوائنٹ اخبارتازہ ترین - این این آئی۔ 03 دسمبر2022ء) وفاقی وزیر قانون اعظم نذیر تارڑ نے کہا ہے کہ میں نے عمران خان کی بات کو کبھی سنجیدہ نہیں لیا،عمران خان نے کچھ نہیں کرنا وہ اسمبلی بھی نہیں توڑیں گے ، جس صوبے کی اسمبلی توڑیں گے وہاں انتخاب کرا دیں گے۔میڈیا سے گفتگو کرتے ہوئے اعظم نذیر تارڑ نے کہا کہ عمران خان نے کل اپنی بات سے یوٹرن لیا ہے، وہ پونے چار سال وزیر اعظم رہے ،کبھی اپوزیشن لیڈر سے بات نہیں کی۔

(جاری ہے)

عمران خان نے بطور وزیر اعظم آئینی تقرریوںپر مشاورت نہیں کی، اب انہوں نے مذکرات کی بات کی ہے جو ایک سیاسی بات ہے،تمام اتحادیوں سے مشاورت کر کے آگے بڑھیں گے۔انہوںنے کہاکہ سیاست نام ہی روادی کا ہے ،دست و گریبان ہونا سیاست نہیں، مل بیٹھ کر مسئلے حل کرنے کا نام سیاست ہے۔اعظم نذیر تارڑ نے کہا کہ عمران خان نے اپوزیشن کے ساتھ بیٹھ کر ڈائیلاگ نہیں کیا، آئینی تقرریوں پر بھی مشاورت نہیں کی، یہ بری رسمیں ڈالی گئی ہیں۔وزیر قانون اعظم نذیر تارڑ نے مزید کہا کہ میری آج بھی خواہش ہے انہیں سمجھ آجانی چاہیے ،عمران خان نے بات کی ہے کہ میں بیٹھنے اور ڈائیلاگ کرنے کو تیار ہوں، یہ وہ رویہ ہے جو ایک سیاست دان کا ہونا چاہیے۔