کاشتکارمٹر کی پھلیوں میں دانے بھر جانے پر اگیتی فصل کی برداشت شروع کردیں،ترجمان آری

پیر 30 جنوری 2023 13:56

فیصل آباد30جنوری (اُردو پوائنٹ اخبارتازہ ترین - اے پی پی۔ 30 جنوری2023ء) ریسرچ انفارمیشن یونٹ آری فیصل آباد کی جانب سے کاشتکاروں کو ہدایت کی گئی ہے کہ وہ پھلیوں میں دانے بھر جانے پر مٹر کی اگیتی فصل کی برداشت شروع کردیں اور چنائی میں تاخیر سے گریز کیاجائے تاکہ مٹر کی فصل کو نقصان سے بچایاجاسکے۔ آری کے ترجمان نے کہاکہ مٹر کی اگیتی اقسام 2جبکہ پچھیتی اقسام 3چنائیاں دیتی ہیں۔

(جاری ہے)

انہوں نے کہاکہ کاشتکار چنائی کرتے وقت اس بات کا خیال رکھیں کہ پودے الٹ پلٹ نہ ہوں اور نہ ہی زمین سے پودوں کو اکھاڑاجائے۔ انہوں نے کہاکہ صبح کے وقت احتیاط سے چنائی کاوقت انتہائی موزوں ہے تاہم اگر انہیں دور کی منڈیوں تک فروخت کیلئے پہنچانا درکار ہو تو چنائی شام کو بھی کی جا سکتی ہے۔ انہوں نے کہاکہ کاشتکار مٹر کی پھلیوں کی تازگی اور رنگت برقرار رکھنے کیلئے انہیں چناؤ کے بعد کپڑے کی صاف بوریوں میں پیک کریں تاکہ پھلیوں کو نقصان پہنچنے کا احتمال نہ رہے۔

Facebook Twitter Google + Share on Whatsapp

کاشتکارمٹر کی پھلیوں میں دانے بھر جانے پر اگیتی فصل کی برداشت شروع کردیں،ترجمان آری

متعلقہ عنوان :

مزید زراعت کی خبریں