لہڑی اور ابڑو قبائل کے درمیان جاری خون ریزی کو روکنے کیلئے چیف آف ساراوان اور چیف آف جھالاوان عملی طور پر اپناکردار ادا کریں،ٹکری اللہ گل

کوئٹہ (اُردو پوائنٹ اخبارتازہ ترین - این این آئی۔ 11 فروری2023ء) ممتاز سیاسی و قبائلی رہنماؤں ٹکری اللہ گل محمدحسنی، ٹکری محمد عمر محمدحسنی، مولوی حاجی عبدالاحد محمدحسنی، ٹکری عبدالمنان محمدحسنی، سابق چیئرمین حافظ محمد ابراہیم محمدحسنی نے اپنے مشترکہ بیان میں کہا ہے کہ گزشتہ روز کھچی کے علاقہ میں لہڑی قبائل کے چار افراد کی شہادت کی سن کر انتہائی دکھ اور افسوس ہوا، اس خونی آگ کو بجھا نے کیلئے گرینڈ جرگہ کی ضرورت ہے، سراوان اور جھالاوان کے تمام قبائلی سربراہان، قبائلی عمائدین، السادات علماء کرام سیاسی جماعتیں ان قبائلی رنجشوں کے خاتمے کیلئے اپنا کردار ادا کریں۔

ان خیالات کا اظہار انہوں نے اپنے ایک مشترکہ بیان میں کیا۔

(جاری ہے)

انہوں نے کہا کہ چیف آف ساراوان نواب محمد اسلم خان رئیسانی، چیف آف جھالاوان نواب ثنا ء اللہ خان زہری، چیف آف محمدحسنی سردار شہباز خان محمدحسنی، سردار فتح محمدحسنی، میر علی حیدر جان محمدحسنی، رکن صوبائی اسمبلی میر عارف جان محمدحسنی، میر رامین جان محمدحسنی، میر قادر جان محمدحسنی، سردار اخترجان مینگل، نواب ایاز خان جوگیزئی، چیف آف بیرک نواب محمد خان شاہوانی، سردار کمال خان بنگلزئی، میر عنایت اللہ محمدحسنی، سردار لیاقت جان کرد، نواب چنگیز خان مری، نواب زادہ میر شازین بگٹی، سردار سرفراز خان ڈومکی، نواب غوث بخش باروزئی، سردار عاصم سرپرہ، سردار سخی جان سمالانی، میر کبیر جان محمد شہی، میر تاج محمد رند، سردار عظیم جان محمد شہی، میر خالد لانگو، سردار نادر خان لانگو، سردار ظفر علی محمدحسنی، سردار یاسین جان لانگو، سردار چنگیز خان ساسولی، سردار اسلم بزنجو، پرنس آغا عمر جان احمد زئی، نواب ذوالفقار علی مگسی، سردار یار محمد رند، سردار لونی، سردار خجک، سردار جمالی، سردار عمرانی، سردار اورنگزیب رخشانی، سردار سنجرانی، سردار عطا ء اللہ دہانی، میر ظہور بنگلزئی، ٹکری عبدالغنی محمدحسنی، نواب میر احمد چلتن وال، نواب زادہ میر جمال خان رئیسانی اور دوسرے تمام خیرخواہوں سے دست بستہ اپیل کرتے ہیں کہ وہ لہڑی قبائل اور ابڑو قبائل کے درمیان جاری خونریزی کو روکنے کیلئے عملی طور پر اپناکردار ادا کریں۔