سوشل میڈیا سے کنارہ کشی کے باوجود سیلینا گومز انسٹاگرام پر40 کروڑ فالورز رکھنے والی پہلی خاتون بن گئیں

پیر 20 مارچ 2023 18:30

نیو یارک (اُردو پوائنٹ اخبارتازہ ترین - این این آئی۔ 20 مارچ2023ء) امریکی گلوکارہ و اداکارہ سیلینا گومز نے انسٹاگرام کی دنیا کا ایک اہم اعزاز اپنے نام کرلیا۔ حال ہی میں سوشل میڈیا سے دوبارہ کنارہ کشی اختیا کرنے والی سیلینا گومز انسٹاگرام پر40کروڑ فالوورز حاصل کرنے والی دنیا کی پہلی خاتون بن گئیں۔

(جاری ہے)

گزشتہ دنوں سیلینا گومز نے امریکی سوشل میڈیا اسٹار، بزنس ویمن اور ماڈل کائیلی جینر کو پیچھے چھوڑتے ہوئے انسٹاگرام پر سب سے زیادہ فالو کی جانے والی خاتون کا اعزاز اپنے نام کیا تھا تاہم اب انہوں نے 400 ملین(40کروڑ)فالورز کا سنگ میل بھی عبور کرلیا ہے۔

سیلینا گومز کی انسٹاگرام فالورز کی تعداد 40کروڑ 10لاکھ ہے جبکہ اس فہرست میں دوسرا نام کائیلی جینر کا ہے جنہیں 38کروڑ 20لاکھ افراد انسٹاگرام پر فالو کرتے ہیں۔